Mekke gýbernatorynyń orynbasary, hanzada Abdýlla bın Badar bın Abdýlazız ál-Haram meshitine kelip, Zám-zám sýy qudyǵyn jóndeý jumystarymen tanysty, — dep habarlaıdy Qamshy.kz aqparat agenttigi kazislam.kz saıtyna silteme jasaı otyryp.

Hanzada Abdýlla jóndeý jumystary jobasyna jaýapty ınjenerlermen sóılesti. Olar qazirgi ýaqytta ál-Haramnyń shyǵys tarapynan keletin bes qyzmettik kópirdi turǵyzý jumystary aıaqtalyp qalǵanyn jetkizdi.

Mamandardyń aıtýynsha, qaıta jóndelgen zám-zám qudyqtary jyl saıyn qatary kóbeıip kele jatqan qajylardy zám-zám sýymen qamtamasyz etýge múmkindik beredi. Sonymen qatar, joba sýdy saqtaý, óndirý jáne tıimdi taratý júıesin jańǵyrtýǵa jol ashady. Abdýlla hanzada jóndeý jumystaryn júrgizý kezinde qajylardyń qaýipsizdigin saqtaý boıynsha meshit janyndaǵy qyzmetti kúsheıtýdi úılestirý máselesin kóterdi.