QR Parlamenti Senaty Halyqaralyq qatynastar, qorǵanys jáne qaýpsizdik komıtetiniń hatshysy Darhan Káletaev jáne Ekonomıkalyq saıasat, ınovasıalyq damý jáne kásipkerilik komıtetiniń múshesi Manap Kóbenov Ystanbuldaǵy Azıa parlamenttik assambleıasynyń 10-shy otyrysyna qatysýda, dep jazady Qamshy.kz aqparat agenttigi.

 Bul týraly Joǵarǵy palatanyń baspasóz qyzmeti habarlaıdy.

Kezdesý «Azıadaǵy beıbitshilik pen damý» taqyrybymen ótip jatyr. Depýtattar Túrkıanyń Uly ulttyq májilisiniń qaıta taǵaıyndalǵan tóraǵasy, saılaýǵa Ádilet jáne damý bıleýshi partıasynan túsken Ismaıl Kahramanmen kezdesti.

Senator D.Káletaev Túrkıa Uly ulttyq májilisi tóraǵasy joǵary laýazymyna I. Kahramannyń taǵaıyndalýyna baılanysty Qazaqstan Respýblıkasy Parlamenti Senatynyń Tóraǵasy Qasym-Jomart Toqaevtyń quttyqtaýyn jetkizdi.

Áńgime barysynda taraptar eki el arasyndaǵy parlamentaralyq yntymaqtastyqty damytýdyń keleshegin talqylady.