Kókshetaýlyq 74 jastaǵy qarıa Borıs Nuǵymanov kir tasyn kóterýden álem chempıony atandy, — dep habarlaıdy Qamshy.kz aqparat agenttigi QazAqparatqa silteme jasaı otyryp. Aqmola oblystyq dene shynyqtyrý jáne sport basqarmasy baspasóz qyzmetiniń málimeti boıynsha, Koreı eliniń Seýl qalasynda kir tasyn kóterýden álem chempıonaty ótti. Baıraqty básekege 34 elden kelgen 500-den astam atlet qatysty.
Olardyń arasynda kókshetaýlyq sportshylar abyroıly óner kórsetti. 70-74 jastaǵy qarıalar arasynda synǵa túsken Borıs Nuǵymanov julqa jáne silke kóterý ádisteri boıynsha álem chempıony atandy.
«Bul ádister boıynsha kir tasyn kóterý óte qıyn. Keýde, qol bulshyq etterine salmaq túsedi», - deıdi B.Nuǵymanov. Sonymen qatar, ardager qossaıys boıynsha ekinshi orynan kórindi. Qarıa kir tasyn kóterýden basqa aǵymdaǵy jyly ziltemirdi jatyp kóterý boıynsha Qazaqstan chempıony atandy. Endi keler jyldyń mamyr aıynda Býdapesht qalasynda ótetin Eýropa chempıonatynda daıyndyqty bastap ketti.
