Bolashaq ómir ınstıtýtynyń qyzmetkerleri Stıven Hokıng pen Ilon Mask bolashaqqa tónip turǵan qaýip kórsetilgen vıdeony jarıalady, dep jazady Qamshy.kz aqparat agenttigi.

Derekti fılm joǵary tehnologıanyń kesiri bolashaqqa qandaı zardap ákeletinin kórsetedi. Bul joly ǵalymdar adam qolynan jasalǵan usaq qanisher-ushaqtar jaıynda sóz qozǵady. Atalmysh ush«aqtar arqyly qylmyskerler kez kelgen adamdy kez kelgen jerde óltire alady.

Vıdeo Jenevada ótken BUU músheleriniń zamanaýı qarý-jaraqtarǵa arnalǵan otyrysynda kórsetildi. Onda «aqyldy qarýdyń» zıany jaıynda búge-shúgesine deıin aıtyldy. Onyń ústine, kórkemdik beınerolıkte kórsetilgen tehnologıalardyń teń jartysy búgingi tańda paıdalanylady. Olardyń bárin qoldanýǵa yńǵaılap ári biriktirý úshin kóp ýaqyt qajet emes ekendigi de aıtyldy.

Otyrystyń basty taqyryby usaq ushaqtar boldy. Olar túrli memleketterdiń bıligine ǵana emes, terrorıster úshin de eń tıimdi qarý ekendigi eskertildi. Tek baqylap úırenip alsa bolǵany. Kórermender vıdeo arqyly saıasatkerdiń nemese ýnıversıtet ishinde otyrǵan stýdentterdiń birer sekýnd ishinde usaq ushaqtardyń kesirinen qalaı ólim qushqandaryna kýá boldy. Ári odan qashyp qutylý da ońaı emes.