Qan shyqpaıdy tilseńde betterinen 
Bılikte saıqyldy da kóp kórip em 
Sý baǵasyn aıaq asty qymbattatqan 
Basshylardyń barlyǵyn jek kórip em 
Áıelderdiń pensıasyn uzartam dep 
Armandap ushyp júr kópte kilem 
Potamýchta kók qaǵaz jasamaqshy 
Jazyqsyz analardyń kók terinen 
Túsiniksiz zańdardy shyǵaryp ap 
Halyq qa túsindirgish shetterinen 
Al kez keldi túgelin saralaýǵa 
Osy jerde qýat ber maǵan Alla 
Men biraz suraq qoıyp kóreıinshi 
Sol bárin túsindirgish aǵalarǵa 
Qazaqqa quryp jatyr qaqpandy kim 
Jaqsydan zábir kórem jattan buryn 
Túsindirgish aǵalar túsindirsin 
Aıtystyń nege jolyn japqandyǵyn 
Halyqtyń qudaı bergen qazynasyn 
Bizdermen aqyldaspaı satqandyǵyn 
Túsindirsin jeltoqsanda Jańa Ózende 
Halyqqa nege oǵyn atqandyǵyn 
Túsindirsin bizdiń munsha baı memleket 
Qaryzǵa qalaıynsha batqandyǵyn 
Túsindirsin Hrabýnov Ábilázov 
Nege ustamaı jatqandyǵyn 
Egerde asyl tastan aqyl jastan 
Quraıyn shyndyq penen aqyn dastan 
Túsindirsin osylardy túsindirsin 
Halyqtyń bosqa basyn qatyrmastan 
Túsindirsin kimniń qaıda baratynyn 
Kim bastady ómirdiń jańa túrin 
Nege bireý bıznes ashsa Prezıdenttiń 
Jaqyndary ony tartyp alatynyn 
Túsindirsin kimniń qalaı oılaıtynyn 
Túsindirsin nege olardyń toımaıtynyn 
Ózderine kerek bolsa ata-zańdy 
Ári-beri ózgertip oınaıtynyn 
Osylaı aqıqatty laıyq qylsyn 
İstegen kúnálárin sháıip tursyn 
Túsindire almasa qazirden aq 
Otyrǵan ornynan taıyp tursyn.

Rınat Zaıytov