Sırıada soǵys bastalǵan ýaqyttan beri 26 000 bala mert bolǵan, olardyń basym bóligi qarýly qaqtyǵystar, bombalaý saldarynan kóz jumǵan. Sırıa quqyqqorǵaý uıymy (SNHR) baıandamasynda osyndaı derekter jarıalandy, dep habarlaıdy Qamshy.kz aqparat agenttigi kazislam.kz saıtyna siltme jasaı otyryp. 

Baıandama derekterine súıensek, 2011 jyly terrorısterge qarsy soǵys bastalǵan kezeńnen beri Sırıa álem boıynsha bala quqyqtary buzylǵan elder tiziminiń kósh basynda tur. Osyǵan baılanysty Sırıadaǵy qaqtyǵysta balalar úshin úlken jaýapkershilik kóteredi. Jeti jylǵa jalǵasqan soǵys saldarynan eldegi 1 378 mektep pen balabaqsha qıratylyp, 3,2 mıllıon bala bilim alý múmkindiginen aıyrylǵan. Bilim alýdan ajyraǵan balalar erte jastan jumysqa jegilgen.

Sonymen qatar, SNHR uıymy BUU men halyqaralyq qaýymdastyqtardy Sırıadaǵy balalar qaýipsizdigin qamtamasyz etýge, soǵys aımaqtaryndaǵy turǵyndarǵa gýmanıtarlyq kómekterdi jetkizýge atsalysýǵa shaqyrdy.   Eske sala ketsek, Sırıadaǵy soǵys 2011 jyldyń naýryz aıynda bastaldy. BUU málimetinshe, osy ýaqyttan beri 400 myńnan asa adam qaza taýyp, 10 mıllıonnan asa turǵyn baspanalaryn tastap ketýge májbúr boldy.