2017 jyldyń shilde aıynda Qazaqstan Respýblıkasy men Iran memleketi arasynda Iranǵa muzdatylǵan jáne salqyndatylǵan qoı etin eksporttaýǵa veterınarlyq talaptary kelisilgen bolatyn.
Osyǵan oraı, qazirgi tańda Iran eliniń naryǵyna mal sharýashylyǵy ónimderin eksporttaý jumystary jalǵasýda. Jyl basynan beri elimizden 118,4 tonna tiri qoı, 132,2 tonna qoı eti osy memleketke eksporttalyp otyr dep habarlaıdy Qamshy.kz aqparat agenttigi. 
Sonyń biri Batys Qazaqstan oblysyndaǵy «Kýbleı» JSHS men Irandyq kompanıalar arasyndaǵy kelisim shart aıasynda jyl sońyna deıin Iranǵa 200 tonna qoı etin jetkizýdi josparlaǵan.
Jyl basynan Batys Qazaqstan oblysynan Iran memleketine 80 tonna qoı eti eksporttalǵan.
Barlyq atqarylyp jatqan jumystar eki eldiń Aýyl sharýashylyǵy mınıstrliginiń baqylaýymen júzege asyp otyr.