Juma kúni Beıjiń qalasynyń soty tanymal akter Djekı Channyń balasyna alty aıǵa túrmege qamaý jazasyn shyǵardy. Jeltoqsan aıynda prokýratýra 32 jastaǵy Djeısı Chanǵa esirtki paıdalanǵany úshin aıyp taqqan bolatyn.
Ol sot úkimimen alty aıǵa túrmege qamalyp, eki myń ıýán ıaǵnı 320 AQSH dollary kóleminde aıyppul tóleıtini beligili boldy.
Fan Szýmın esimimen belgili Djeısı Chan qyrkúıekte Beıjińde óziniń dosy - Taıvanniń tanymal akteri, 23 jastaǵy Ke Chjendýnmen birge qolǵa tústi. Olardy esirtkige testileý oń qorytyndy berdi.
Polısıa Djeısıdiń páterin tekserip, ishinen 100 gram marıhýana tapqan.
2009 jyly Djekı Chan Qytaıdyń esirtkimen kúres boıynsha ulttyq komıtetiniń tóraǵasy bolyp taǵaıyndaldy, onyń mindeti - eldegi esirtkige qarsy kúresti jandandyrý.
Osy oqıǵaǵa baılanysty ol ulynyń áreketteri úshin jaýapkershilikti óz moınyna alatynyn málim etti.
"QazAqparat"
