Búgin Almatyda ótken qalalyq VI máslıhatta Respýblıkalyq onomastıkalyq komısıanyń sheshimimen qaladaǵy Fýrmanov kóshesiniń aty tuńǵysh Prezıdent, Nursultan Ábishuly Nazarbaevtyń atyna ózgertildi, dep jazady Qamshy.kz aqparat agenttigi. Bul usynysty qala turǵyndary kópten beri aıtyp júrgen bolatyn.
Otyrys barysynda Almaty ákimi Baýyrjan Baıbek onomastıkalyq komısıanyń sheshimi 112 kóshe atyn ózgertý týraly qala ıntellegensıalarynyń, ǵylymı óndiristik birlestikter, turǵyndar, ásirese jastar tarapynan jasalǵan usynys boıynsha, Almatydaǵy eń iri kóshelerdiń biri Fýrmanovqa Elbasy aty berildi.
"Osy jyly biz Astananyń 20 jyldyǵyn toılaımyz. Qarap otyrsaq, búginde Elbasynyń sheshimi qanshalyqty durys bolǵandyǵyna kóz jetkizemiz. Tek Eýrazıa júreginde ornalasqan zamanaýı qala turǵyzyp qana qoımaı, Almatynyń da damyp, zor iskerlik ortalyqqa aınaldyrýǵa óz úlesin qosty. Sondyqtan, búginde Almaty eń iri Ortalyq Azıalyq megapolıs", dedi Baıbek.
