Nıgerıalyq bıshi 137 saǵat boıy toqtamastan bılep, Gınnestiń rekordtar kitabyna endi, dep jazady Qamshy.kz aqparat agenttigi sheteldik BAQ málimetine súıenip.

22 jastaǵy  Odýmevý Debbı degen laqap atpen tanymal kásibı bıshi 137 saǵat boıy toqtamastan bılep, bı uzaqtyǵy boıynsha jańa álemdik rekord ornatty. 

"Maǵan qoldaý kórsetkenderińiz úshin alǵysymdy aıtamyn! Bul men úshin óte mańyzdy! Sizderdi jaqsy kóremin!" — dep jazdy boıjetken ınstagramdaǵy paraqshasynda. 

6 jasynan bastap bımen aınalysqan boıjetken bastapqyda 150 saǵat boıy bıleýdi josparlaǵan, alaıda álemdik rekord ornatýǵa 137 saǵat ta jetti.

Munyń aldyndaǵy rekord 123 saǵat 15 mınýtty quraǵan edi. Ony 2010 jyly 20-26 qyrkúıek aralyǵynda toqtaýsyz bılep úndi qyzy ornatqan bolatyn.