Búgin 82 jasqa qaraǵan shaǵynda akademık Muhtar Álıev dúnıeden ótti, dep habarlaıdy "Novostı-Kazahstan" agenttigi.
 |
|
Muhtar Álıev |
Ǵalymnyń dúnıeden ótkeni týraly aqparatty A.N. Syzǵanov atyndaǵy Ulttyq ǵylymı hırýrgıalyq ortalyqtyń mamandary habarlaǵan.
Ortalyqtyń málimetterine qaraǵanda, ǵalym 12-qańtar kúni tańerteń kóz jumǵan.
Muhtar Álıev 1933 jyly 2 aqpanda Qyzylorda oblysynda dúnıege kelgen. Almaty qalasyndaǵy medısınalyq ınstıtýtty bitirgen. Túrli medısınalyq mekemelerde hırýrg bolyp eńbek etken.
1982-1987 jyldary Qazaq SSR-niń Densaýlyq saqtaý mınıstri bolyp qyzmet etti. Keıinnen ǵylymı ortalyqtarda basshylyq qyzmetterdi atqardy.
2008 jyldyń naýryzynda Muhtar Álıev Avstrıaǵa emdelý úshin attanǵan bolatyn. Akademıkke qarsy Qazaqstanda "qarýdy zańsyz saqtaý" baby boıynsha aıyp taǵyldy.
Onyń Avstrıadan elge qaıtýyna birqatar saıasatkerler men jýrnalıser tobynyń jazǵan úndeýi sebep boldy.
2008 jyldyń naýryzynan 2009 jyldyń qazanyna deıin akademık Venada, keıin Londonda turdy. Alaıda 2008 jyldyń 4 mamyrynda ol Venadaǵy Qazaqstannyń elshiligine erikti túrde kelip, óz balasy Rahat Álıev ony Avstrıada kúshtep ustap turǵanyn málimdedi.
2008 jyldyń 5 mamyrynda ol óz erkimen elshilik aýmaǵyn tastap, Anglıaǵa ketti.
2009 jyly Qazaqstanǵa oralǵan bolatyn.
