17 jastaǵy ırandyq Sahar Tabardyń sýreti bir kúnde búkil álemge taralyp ketti. Qyz “aktrısa Andjelına Djolıge uqsaý úshin 50 plasıkalyq operasıa jasatty” dep shýlady gazetter. Degenmen jeli qoldanýshylary Sahardy “Gollıvýd juldyzyna emes, “Qalyńdyq máıiti” múltfılmindegi keıipkerge uqsatty. Irandyq qyz shyn máninde qansha ret pyshaqqa tústi? Shynymen de Djolıge uqsaǵysy keldi me? Atyshýly ırandyq qyzdyń eksklúzıvti suhbatyn Qamshy.kz aqparat agenttigi Sputnik Qazaqstan saıtyna silteme jasaı otyryp oqyrman nazaryna usynady. 

— Qoldanýshylardyń pikirinshe, sizdiń profılińizdegi fotosýretter “qalyńdyq máıitin” eske túsiredi eken. Operasıadan keıin shynymen de bet-álpetińiz osylaı ózgerdi me?

— Árıne, joq. Bul fotoshop jáne makıaj. Sýretimdi júktegen saıyn men bet-álpetimdi jurtqa qyzyqtyraq etip kórsetemin. Bul óz oıymdy bildirýdiń bir ádisi, óner dese de bolady. Maǵan qyzyǵa qaraıtyn adamdar túrim ondaı emes ekenin biledi.

— Barlyq BAQ Andjelına Djolıge uqsaǵyńyz kelgenin jazdy. Solaı ma? 

— Shyndyǵynda olaı emes. Tipti Djolıge uqsaýdy oılaǵan emespin. Sondaı-aq “Qalyńdyq máıiti” múltfılmindegi keıipkerge de uqsaǵym kelmegen. Qazir olarmen baılanystyratyn ortaq nárse bar ekenin túsinemin, alaıda men óz aldyma mýzamyn jáne bireýge uqsaý — qara bastyń qamy emes.

— Qandaı plasıkalyq ota jasattyńyz?

— Murnyma ota jasalǵan, erinderimdi isirdim, lıposaksıa jasattym. Operasıalardan qorqynyshty eshnárse kórip otyrǵan joqpyn: Munda, Tegeranda bir operasıa 10 mıllıon  Iran rıaly (shamamen 93 myń teńge —red.eskertpesi) turady.

— 49 kılogramm bolý úshin qatty aryqtap ketti dep jatyr?  

— Salmaq tastaǵanym ras. Biraq 40 nemese 30 emes, bes alty-alty kılogramm ǵana. Qazir salmaǵym 54 kılogramm tartady.

— Buǵan otbasyńyz qalaı qarady? Iran — ádet-ǵurypty qatań ustaıtyn musylman eli ǵoı.  

— Bastapqyda olar qarsy boldy. Olar úshin plasıkalyq ota qalypty nárse emes. Alaıda qazir, bári sátti ótkennen keıin ata-anam meni qoldap otyr. Eń bastysy osy.