Jyl jyl sanap adamazattyń oılaý qabileti damyp keledi, damyp keledi! Adamnyń mıy keremet progres jasap jatyr! Medısına. Bir kezderi kádimgi soqyr ishekten qanshama adam mezgilsiz qaza boldy? Búgin eń shalǵaı aýyldaǵy, qatardaǵy hırýrg alyp tastaıtyn, qalalarda jatqyzyp, lazermen operasıa jasap, birer saǵattan soń úıine qaıtara salatyn jetistikke jettik. Tátemniń kózine operasıa jasaǵanyn kórdik! Qazir bir adamnyń júregin bir adamǵa salyp beretin, tipti adamnyń aǵzasynan kletka alyp, adamnyń qulaq, búırek, júregine deıin ósirip bere alatyn bolypty,,, Bir kezderi armandaýǵa da qıal jete almaıtyn jetistikter Tehnıka. Ertegilerde estıtin nárselerdiń bári oryndalyp jatyr: Oryndyqta jaıǵasyp otyryp, tamaq iship, kıno kórip otyryp, jeti qat kóktiń ústinde ushyp kele jatasyz! Jerdiń shetinde júrgen adammen kórip, sóılesip otyra beresiń! Turmysymyz - ot jaǵý, kir jýý, sıyr saýý, sýyq úıde turý, qoldan etik jasap kıý - balalarymyzǵa aıtsaq qıal ǵajaıyp ertegiden estigendeı, kóz aldaryna elestete almaıdy kóbisi. Mádenıet. Osydan 500 – 1000, odan da burynyraq kezdegi ( 500- 1000 jyl degen adamzattyń ómir súrip jatqan kezeńdermen salystyrǵanda sondaı kóp ýaqyt ta emes) mádenıetten qansha saty joǵary ekenine daý joq. Tazalyq, kıim kıis, sóz sóıleý taǵy basqasy. Bul jerde, árıne, kúmán týdyratyn jerleri kóp. Shyn máninde babalarymyzdyń mádenıeti joǵary ma, joq bizdiki joǵary ma degendeı,, Osynsha damyǵan, osynsha ilgerlegen adam balasy mal istemeıtin zulymdyǵyn da jetildirip , malda da joq nápsiniń, qulqynnyń quly bolyp keledi, kelemiz.
Bir-birin óltirý. Etpen korektenetin jyrtqysh ańdar qansha shama sharqy kelse de, tipti óziniń qarsylas jaýlaryn da qynadaı qyrmaıdy. Al adamdar jer betindegi qansha soǵystarda ózi sıaqty eki aıaqty pendelerdi qalaı qyrdy? Júz myńdap, mıllıondap! Gaz kameraǵa salyp jaǵyp, bas súıekterinen taý jasap, ústilerine bomba tastap! Bul qylyǵyna qarap otyryp: qalaı bul eki aıaǵynan júrgen maqulyqty "Chelovek razýmnyı" aqyl-esi bar pende dep aıtýǵa keledi dep oılaısyń... Dúnıe jınaý. "Maldan kúniń tómen, malsyń ba, sen malsyń" dep tómendetetin maldar bul jaǵdaıda adamdardan álde qaıda "adamgershiligi" joǵary turady-aý! Qanshama qandastary, adamzat isherge tamaq, kıerge kıim taba almaı jatqan kezde - myń adamǵa on jyl azyq bolatyn jyltyraq tasty qolǵa, moıynǵa taǵyp, tyshatyn jerine deıin altyndap, júz, tipti myń adamǵa baspana bolatyndaı úıde jalǵyz otbasy turý, júz adamǵa minýge jaraıtyn kólikti jasap berýge jetetin kólikti bir adam miný, jaza berseń bir tún jazyp taýysa almassyń,, Ataq-abyraıǵa umtylý. Ataq úshin, arzan jalǵan abyroı jınaý úshin adam ne nársege barmaıdy??? "Jalmaýyzdaı jalańdap, ar-uıattan kúsip" ketetinin kúnde kórýge bolady! Bılikke umtylý. Mal, haıýan balasy óz úıirine bılik jasaýǵa talasady, onda da kóbinese olarǵa qamqor bolyp, jaǵdaılaryn jasap, basqalardan qorǵaý úshin, odan arysy olarǵa qajet emes! Al jumyr basty, eki aıaqty, tınamdaı ǵana pende jer betin túgel baǵyndyrsam dep álektenedi. Sondaǵy óziniń ǵumyry qas qaǵym ǵana sát! Boqqa kerek joq, Mánsapqa jetip ózi sıaqty eki aıaqtylardyń ústinen bılik júrgizgen ýaqyty ary ketse 30 –40 jylǵa sozylar aý,, Odan ne rahat, ne paıda?? Sol eki aıaqty bylaı qarasań, aqyldy, bilimdi, biraq istegen isi mıǵa sımaıtyn maqulyqtyń biri - ózim ekenin moıydaýym kerek,, Sondaǵy jetilgen, damyǵan oı-sanamyzdyń, aqyldyń jetken jeri osy boldy. Mı damyǵan saıyn, onyń zulymdyq jasaý qabileti da damyp aq keledi-aý,, Nápsiniń tábetin eki aıaqty maqulyq eshqashan toıdyra almas,,, Osylaı damı, damı eki aıaǵy bar maqulyq, jer betindegi ózimen qosa esh jazyǵy joq qanshama jan janýarmen qosa tirshilikti joıyp jiberetin zaman da óte alys jerde kele jatqan sıaqty keıde,
(Ahmetbek Nursılanyń feısbýktegi paraqshasynan)
