«Kesh You» tobynda kelesi aıdan bastap óner kórsetetin jańa esimder belgili bolǵandaı. Osydan birneshe ýaqyt buryn «Kesh You» tobynan Aıdananyń ketetini týraly jazǵan bolatynbyz. Bul jóninde top prodúseri Baıan Esentaeva arnaıy saıtymyzǵa bergen eksklúzıvti suhbatynda toptyń quramy ózgeretini jáne Aıdananyń toptan ketetindigin málimdegen bolatyn.
«Gerlz bend degen sondaı, quramy únemi ózgerip otyrady. Bireý kúıeýge shyǵady, bireý júkti bolady, biri juldyz aýrýyna shaldyǵady, ekinshisi mahabbattan basy aınalyp qalady. Qyzdar kollektıvin uzaq ustap turý ońaı emes, alaıda «Kesh You» búgin paıda bolyp erteń joq bop ketetin top emes ekendigin qansha jyldan beri dáleldep keledi. Biraq quram ózgeredi. Men sizderge muny senimdi túrde málimdeımin! Aıdana turmysqa shyqqaly jatyr, súıiktisi baryn bári biledi. Toıdyń qashan bolatyny ázirge belgisiz, Aıdananyń «Kesh You» tobymenmen kelisimsharty aqpan aıynda bitedi. Odan soń ary qaraı kóre jatarmyz, toıdyń kúni de sol ýaqytqa belgili bolyp qalar. Biraq 99 paıyz senimdi túrde aıta alamyn « Kesh You» diń quramyn ózgertemiz»,-dep aıtqan bolatyn.
Keshe Baıan Esentaeva óziniń Instagram- daǵy paraqshasynda eki ánshi arýdyń fotosýretterin komentarısiz jarıalady. Tipti qyzdardyń aty-jóni de belgilengen joq. Biz osy oraıda qyzdarmen jaqynyraq tanysý maqsatynda áleýmettik jelilerdegi paraqshalaryn izdestirip kórdik. Baljan jáne Aqbota — ǵalamtordaǵy kópshilik bul eki arýdy «Kesh You» tobynyń jańa quramynda óner kórsetýi múmkin dep otyr.
Eger Aıdana Medenova prodúsermen kelisim sharty aıaqtalatyn bolsa,demek Kámshat Joldybaevanyń da toptaǵy taǵdyry biz úshin belgisiz. Máseleniń mán-jaıy osy aıdyń aıaǵynda anyq bolady.
Osylaısha on jyl ishinde toptyń quramy 7-ret ózgermek. Toptyń quramynda osy ýaqytqa deıin Ánel Arynova, Zýmrad Garaeva, Marjan Mendybaeva, Naılá Zaıtova, Móldir Áýelbekova, Janar Duǵalova syndy arýlar óner kórsetken.
Derekkóz: baistarts.kz
