Búgin Parlament Májilisiniń Spıkeri Nurlan Nyǵmatýlınniń tóraǵalyǵymen ótken jalpy otyrysta depýtattar Qazaqstan-Túrikmen memlekettik shekarasyn shegendeýge qatysty kelisimdi ratıfıkasıalaý týraly zań jobasyn maquldady dep habarlaıdy Qamshy.kz aqparat agenttigi.
Osyǵan oraı, Májilis Tóraǵasy Qazaqstannyń irgeles eldermen memlekettik shekarasyn halyqaralyq-quqyqtyq rásimdeýi táýelsizdiktiń tarıhı jetistikteriniń biri sanalatyndyǵyn atap ótti.
Osy rette Májilis Tóraǵasy: - biz barlyq kórshilerimizben kelisimder jasadyq, onda birlesken shekara syzyqtarynyń qalaı ótetini naqty belgilengen. Endi shekaralardy shegendeý jumystary júrgizilýde,-dedi.
Májilis Tóraǵasy atap ótkendeı, osyǵan sáıkes qujattardy qol qoıýǵa daıyndaý boıynsha jumystar dál qazirgi ýaqytta Qyrǵyzstan, Ózbekstan elderi boıynsha qolǵa alynǵan, QHR boıynsha bul úrdis aıaqtaldy, sondaı-aq, qazaqstandyq-reseılik shekaralardy shegendeý jumysy jalǵasýda.
- Endigi kezekte Qazaqstannyń barlyq memlekettik shekaralaryn halyqaralyq-quqyqtyq rásimdeý prosesin barynsha jedel bitirý qajet. Ol aldaǵy ýaqytta kez-kelgen aýmaqtyq daýlardyń aldyn alýǵa múmkindik beredi,-dedi N. Nyǵmatýlın.
