«Dúnıejúzi arýy-2014» baıqaýynda Aıdaı Isaeva kórermenderdiń aldyna belgili dızaıner Aıda Qaýmenovanyń arnaıy daıyndap, tigilgen ulttyq kıim úlgisimen shyǵady.
Keshki kórsetilimde Aıdaı Isaeva Swarovski tastarymen bederlengen CoutureCollection-nyń SherriHill usynǵan kóılegin kıip shyqpaq.
Dástúr boıynsha, «Dúnıejúzi arýy-2014» baıqaýynyń fınalyna úsh apta qalǵanda álemniń túkpir-túkpirinen kelgen tıtýldy sulýlardyń bastary birigedi. Qazir arýlar qyzý daıyndyq ústinde. Qaıyrymdylyq jobalarǵa, fotosessıalarǵa, eń úzdik ulttyq kostúm baıqaýyna qatysyp jatyr.
Esterińizge sala keteıik, Aıdaı Isaeva 25 qańtarda Maıamıde (AQSH) ótetin eń bedeldi sulýlyq baıqaýlarynyń biri «Dúnıejúzi arýy-2014» dodasyna Qazaqstannyń atynan qatysady.
Álemniń eń sulý arýynyń aty 25 qańtarda aqtyq shoýda atalady. Álemniń 200-den asa elinde tikeleı translásıa júrgiziledi. Jeńimpazǵa tájdi Venesýelalyq Gabrıela Isler tapsyrady. Sondaı-aq tańdalǵan «Dúnıejúzi arýy-2014» 2015 jyldyń jazynda Qazaqstanǵa kelip, jyl saıynǵy Opera balynyń júrgizýshisi bolmaq.
"Kazınform"
