№2 qalalyq klınıkalyq balalar aýrýhanasynda Áýezov aýdany ákiminiń apparaty men «Nur Otan» partıasynyń aýdandyq fılıaly partıanyń «Jemqor­lyqsyz el – gúldengen el!» jobasy aıasynda QR «Sybaılas jemqorlyqpen kúres týraly» Zańyn talqylady.

Osy is-sharaǵa «Nur Otan» partıasy Áýezov aýdandyq fılıaly tóraǵasynyń birinshi orynbasary Murat Omarov, partıanyń aýdandyq fılıalynyń Sy­baı­las jemqorlyqqa qarsy kúres boıyn­sha qoǵamdyq keńesiniń tóraǵasy Saıat Balǵynbaev jáne Áýezov aýdany ákimi apparatynyń jaýapty qyzmetkerleri, aýdan aýmaǵynda ornalasqan medısına mekemeleriniń basshylary qatysty.

Jıynǵa qatysýshylar óz ortamyzda oryn alyp jatatyn irili-usaqty paraqor­lyq pen jemqorlyqtyń jolyna kedergi bolý men onyń aldyn alý týraly baıanda­malar jasap, QR «Sybaılas jemqorlyqqa qarsy kúres týraly» Zańynyń aıasynda jemqorlyqqa qarsy is-áreketter ár salada toqtaýsyz júzege asyrylyp jatqanyn tilge tıek etti.

Búgingi tańda halyq paraqorlyq derti­men jıi betpe-bet keletinin bárimiz mo­ıyndaımyz. Zardabyn da bárimiz tartamyz. Sondyqtan kez-kelgen salada para berý men para alýdyń jolyn kesý úshin qoǵam bolyp belsendilik tanytý árqaısymyzdyń azamattyq mindetimizge aınalýy tıis.

Zańda sybaılas jemqorlyqqa qarsy kúres týraly zańnyń uǵymyn bylaı dep kórsetken:

1-bap. Zańnyń maqsaty

      1. Osy Zań azamattardyń quqyqtary men bostandyqtaryn qorǵaýǵa, sybaılas jemqorlyq kórinisterinen týyndaıtyn qaýip-qaterden Qazaqstan Respýblıkasynyń ulttyq qaýipsizdigin qamtamasyz etýge, sybaılas jemqorlyqqa baılanysty quqyq buzýshylyqtyń aldyn alý, anyqtaý, olardyń jolyn kesý jáne ashý, olardyń zardaptaryn joıý jáne kinálilerdi jaýapqa tartý arqyly memlekettik organdardyń, memlekettik mindetterdi atqaratyn laýazymdy jáne basqa da adamdardyń, sondaı-aq olarǵa teńestirilgen adamdardyń tıimdi qyzmetin qamtamasyz etýge baǵyttalǵan jáne sybaılas jemqorlyqqa qarsy kúrestiń negizgi prınsıpterin aıqyndap, sybaılas jemqorlyqqa baılanysty quqyq buzýshylyqtyń túrlerin, sondaı-aq jaýaptylyqtyń paıda bolý jaǵdaılaryn belgileıdi.
      2. Osy Zań sol sıaqty demokratıalyq negizderdi, memleketti basqarýdaǵy jarıalylyq pen baqylaýdy keńeıtýge halyqtyń memleket pen onyń qurylymdaryna degen senim nyǵaıtýǵa, bilikti mamandardy memlekettik qyzmetke kirýge yntalandyrýǵa, memlekettik mindetterdi atqaratyn adamdardyń rıasyz adaldyǵy úshin jaǵdaılar jasaýǵa da baǵyttalǵan.