Qazaqstanda ulttyq «.kz» jáne «.kaz» domenderiniń baǵasy qymbattady, dep habarlaıdy Qamshy.kz aqparattyq portaly.
Domen quny qazaqstandyq İT-kompanıalar qaýymdastyǵynyń prezıdenti Nurlan Isınniń buıryǵy boıynsha kótirilip otyr. N.Isınniń buıryǵynda: «Internettiń qazaqstandyq segmentindegi domendik atty tirkeý (súıemeldeý) quny men domendik attardy jyl boıyna alyp júrý baǵasynyń arasyndaǵy dısbalansty joıý, domen attaryn bólinip berilgen tirkeý júıesin odan ary damytýdy qamtamasyz etý jáne tirkeýshiniń jumysynyń aqtalýy maqsatynda buıyramyn: 2015 jyldyń 15 qańtarynan bastap domendik atty súıeýge tirkeý qyzmetiniń tarıftik qunyn túrkeýshi úshin T1820 mólsherinde; domendik attardy tirkeýshilermen eń tómengi tirkeý qunyn bólshek saýda úshin T3 myń deńgeıde jáne kóterme satyp alýshylar úshin T2800 mólsherinde anyqtalsyn; QQS tóleýshiler bolyp tabylmaıtyn tirkeýshiler úshin qyzmettiń eń tómengi qunyn bólshek saýdada T3 myń deńgeıinde plús 12% jáne kóterme satyp alýshylar úshin T2800 plús 12%» delingen.
Onyń aıtýynsha sońǵy kezderi Qaznettegi ulttyq domendi damytý maqsatynda onyń baǵasy arzandatylǵan.
2014 jylǵa deıin ulttyq domenderdi tirkeýmen 15 kompanıa aınalysqan. 2014 jyldyń 23 jeltoqsanyna deıin 122 308 domen ataýy tirkelgen.
Óz kezeginde «Internet-kompanıa PS» JSHS bas dırektory Nıkıta Krasýlın «qazirgi kezde klıentterge «domendik attardy tirkeý jáne súıemeldep otyrý» qyzmetine ketetin shyǵyn bizdiń kirisimizden edáýir asyp ketedi» dep atap ketti.
