Baıaǵyda bir qatygez patsha ári baı bolypty. Biraq ol patsha sondaı aýyrady eken. Júregi qobaljyp, tynbaı dirildep turatyn dertke shaldyǵypty. Bir kúni álgi patshaǵa bir otashy-emshi kelip:– Men seniń dertińdi emdeımin, sen meniń aıtqanymdy qyla alsań – depti. Patsha:-Talaı sen sıaqty emshiler emdeımin dep basynan aıyryldy. Sen ne aıtsań da aýrýymnan aıyǵý úshin jasaımyn – depti. Sonda otashy-dáriger:-Bir sulý jap-jas 15-16 jastaǵy jigittiń qanyn jylydaı ishseń, dertińnen qulan taza aıyǵyp ketesiń,-depti. Patsha: —Ol ońaı ǵoı, – dep qyzmetkerlerine sulý jas jigit taýyp ákelýdi buıyrypty. Qyzmetkerleri erteńinde-aq bir kedeı shal men kempirdiń 16 jastaǵy balasyn alyp kelipti. Patsha shal men kempirge:—,Men aýrýymnan aıyǵýym úshin senderdiń uldaryńnyn qanyn ishýim kerek, eki qap altyn berem? eki qap altyn berem?- dep surapty. Shal men kempir patshanyn zulymdyǵynan qorqyp razylyqtaryn bildiripti. Keıin patsha qazyny shaqyryp:—Men myna jigittiń qanyn ishpekpin, munyń dinimizdegi pátýasy qalaı?-dep surapty. Qazy:-Ámirshim, siz úshin bul adal ǵoı dep – pátýásyn beripti. Sóıtip qasapshyny shaqyryp jigitti alyp keteıin dep jatsa, jas jigit joǵary qarap sondaı egilip jylap tur eken. Patsha:—Áı, jigit sonsha nege egilip jylap tursyń,-dep surapty. Jigit:—Áı, han ıem! Men ana shal men kempirdiń qudaıdan tilep alǵan jalǵyzy edim. Olar menen keıin endi perzent kórmeıdi. Biraq olar meni eki qap altynǵa satyp jiberdi. Adam balasy jer betinde muńyn aıtyp ádildikti qazydan kútedi. Biraq myna qazy sizden qorqyp meniń qanymdy ishýińizdi adal dep pátýá berdi. Ol Qudaıdan qorqyp pátýá bergen joq ol sizden qorqyp ári mansabynan aıyrylyp qalmaý úshin jalǵan pátýá berdi. Adam muńyn patshaǵa aıtady, biraq siz menen góri óz janyńyzdy artyq kórip tursyz. Sol sebepti men búkil álemderiń Rabbysyna muńymdy aıtyp jylap turmyn, – deıdi. Sonda patshanyń júregi jibip:—Bara ber bossyń, eki qap altyndy senderge bergen sadaqam bolsyn – dep aınalyp kete bergende júreginiń soǵýy ádettegi soǵýynan ózgerip, qobaljýy, dirili joǵalyp tynyshtalyp qalypty. 
Sadaqa men jaqsylyq júrekti tynyshtandyrady.