Tanymal qazaqstandyq telejúrgizýshi jáne prodúser Baıan Esentaeva KeshYOU tobyndaǵy ózgeristerdi jarıalady.

"Osyndaı da bolady. Bireý keledi, bireý ketedi, degendeı. On jyldyń ishinde talaı ánder shyrqaldy. Qansha jan súısinerlik ister boldy, tabystar da az emes, kúıinishter de oryn aldy. Degenmen jaqsylyqtar este qalady. Bizdiń súıikti tól perzentimiz KeshYOU-diń jańa ómiri bastalmaq", - dep jazdy ol Instagram jelisinde.

Prodúser osy jyldary top quramy birneshe ret ózgergenin eske saldy.

"Qyzdar óte talantty ekeni sózsiz, olardyń bári de óz joldaryn tapty, sóıtip, Keshú jańaryp otyrdy. Jaqyn arada jańa KeshYOU ómirge keledi", - dep qosty Esentaeva.

Endi birde ol aldaǵy ózgeristerdiń keıbir sátterine toqtaldy. Atap aıtqanda, ol Kámshat Joldybaevanyń óziniń jeke mansabyn bastaıtynyn jetkizdi.

Eske sala keteıik, KeshYOU qazaqstandyq estradadaǵy tanymal ánshiler tobynyń biri. Ár jyldarda onyń quramynda Ánel Árinova, Móldir Áýelbekova jáne Janar Doǵalova án saldy. "QazInform"