Kóne kitaptyń kólemi sirińkeniń qorabyndaı ǵana. Qasıetti jazbany Semeıdegi tatar qoǵamdyq ortalyǵynyń murajaıyna jergilikti turǵyndardyń biri jetkizgen.
Onyń aıtýynsha, sırek kezdesetin kitap oǵan atasynan mura bolyp qalǵan. Jádigerdiń basty ereksheligi – onyń kelesi betinde ulǵaıtqysh áınek ornalastyrylýy. Osy qurylǵy arqyly kitapty esh qıyndyqsyz oqýǵa bolady. Kitaptyń syrtqy muqabasy taza mystan jasalǵandyqtan, áripteri jaqsy saqtalǵan.
Shaýqat Faızýllın, Tatar ortalyǵy murajaıynyń jetekshisi: Men ómirimde birinshi ret osyndaı kishkentaı Qurandy kórip turmyn. Bálkim sol kezderi qasıetti kitaptyń kólemi shaǵyn bolǵandyqtan, qaltaǵa salyp nemese moıynǵa tumar retinde ilip júrse kerek-ti. Al, ulǵaıtqysh arqyly kitaptaǵy kez kelgen súreni qıyndyqsyz ashyp oqýǵa bolady.
Muslim.kz
