Sońǵy kezderi Qaznette tanymal bolǵan vıdeolardy biz aıtpasaq ta bilip otyrsyz. Qazaqtyń toıy men dýmany onyń án-kúıinsiz qaldy. Tamasha ázil men ánniń ornyn, saf ónerdiń ornyn endi jartylaı jalańash nemese dyrdaı jalańash bıleý basyp bara jatqan sıaqty.

Oǵan dálel osydan birneshe kún buryn VK áleýmettik jelisi men Facebook áleýmettik jelisi arqyly jalpaq jurtqa taraǵan vıdeo. Bul masqaralyqty el-jurt synaımyz dep bólise otyryp, onyń jarnamasyn aspanǵa sharyqtatty. Bul naǵyz - "atyń shyqpasa jer órteniń" keri.

Osyndaı jaǵdaı birneshe aı buryn túngi klýbtardyń birinde oryn alyp, atalmysh beınekóriniste WhatsApp jelisi arqyly keńinen taralǵan edi.

Bizdiń qoǵam mundaı azǵyndyqqa selt etpeıtin deńgeıge tústi. Búgingi kún úshin onyń aldyn alýǵa tek siz ben bizdiń ımanymyz ǵana tosqaýyl bola alady. Osy toı men klýb ıelerin jalpy halyqqa shoý jasaımyz dep halyqtyń uıat perdesin jyrtqany úshin sotqa berý kerek. Mundaı azǵyndyqty ár adamnyń ımandylyq pen uıatqa qaraı jasaǵan az ǵana qadamy arqyly búkil qoǵamdy úlken ilgerleýge jeteleı alamyz. Bul iske beı-jaı qaramańyz...