Álemdegi eń kóne kitaphanalardyń biri qaıta ashyldy, dep jazady Qamshy.kz aqparat agenttigi.

24.kz portalynyń málimetine súıensek, Mysyrdaǵy áýlıe Ekaterına monastrine tıesili bul mekeme 2014 jyly jóndeý jumystaryna jabylǵan bolatyn. Munda 6 myńǵa jýyq dinı qoljazbalarmen qatar, myńdaǵan kóne kitap saqtalǵan.

Olardyń arasynda ejelgi grek dárigeri ári fılosofy Gıppokrattyń medısınalyq resepteri men shyǵys-arameı dıalektinde jazylǵan Bıblıanyń kóne kóshirmeleri bar.

Jalpy áýlıe Ekaterına monastyri – eń ejelgi hrıstıandyq eskertkishterdiń biri. Ol VI ǵasyrda salynǵan.

2002 jyly IýNESKO-nyń dúnıejúzilik muralar tizimine endi. Al onyń ishindegi kitaphana tarıhı-dinı ádebıet sany boıynsha álemde ekinshi orynda tur. Eń irisi Vatıkanda ornalasqan.

– Monastyrde sondaı-aq álemdegi eń ejelgi ári eń iri mozaıkalardyń biri bar. Ol 12 jylǵa sozylǵan qalpyna keltirý jumystarynan keıin kópshilik nazaryna usynylady. Jarty mıllıon tastan turatyn mozaıka shamamen 1400 jyl buryn jasalǵan, - dedi dinı qyzmetker Tonı Kazamıas.