Meırambek Bespaev, Sáken Maıǵazıev sahnada qaqıyp turatyndardyń qatarynda. Esesine halyq olardy júreginen shyǵyp jatqan ánderi úshin erekshe baǵalaıdy.

Sońǵy ýaqytta Qaırat Nurtasty da kópshilik sezimge toly ánshi dep ataıdy. Alaıda onyń ıyǵyn qıqańdatyp bıleıtin bıi men eshqashan tastamaıtyn kózildirigi hıtke aınalǵan. Bul sıqyr ma, álde basqama ony Qaırat Nurtastyń ózi ǵana biledi.

Sıqyr demekshi halyqty ánimen qaratý azdyq etetinin túsindi me, "chıp-chıp" atanyp ketken ánshi Asqat Tarǵynov ózgeshe bir bı qımylyn qosypty. Bir qaraǵanda ebedeısizdeý kórinedi. Alaıda, ánimen ataǵy shyqqannan keıin be odan halyq únemi jańalyq kútedi. Halyqty ónerine tabyndyrý úshin bul da Tarǵynov myrzanyń oılap tapqan aıla amaly. Ázirge tyńdarmandary jap - jaqsy qabyldap jatyr. Al Maıra  İlıasova halyqtyń ne qalaıtynyn jaqsy biledi. Ózi de kásibı ártis bolǵannan keıin jıi-jıi top qurady. Qasy, kózi qıylyp qana qoımaı, qylmıyp án aıtatyn sulýlardy da jınap kórdi tobyna. Alaıda qıǵash qastar áli de tanymal bola almaı jatyr.

Quramy osymen úsh ret ózgergen "Erke" tobynyń qyzdary kásibı bıshiler. Sahnada ózderin erkin ustaıtyny kórinip tur.

Kóp ánshiniń ishinde joǵalyp ketýden qorqatyn ánshi Ómirqul Aınıazov sahnaǵa shyqqan bette birden qolyn sermep, basyn shaıqap, aıaqtarymen  jıi bı bıleıtin bolǵan. Bul onyń júrekpen ǵana emes, búkil dene bitimimen qosyp oryndap turǵanyn ańǵartady. Sodan keıin adam mán bermeı kórsin. Bul da shoý - bıznestiń úıretken tásili.

Jasyratyny joq, Ómirqul jandy daýyspen án shyrqaǵan kezde qoldaryn ebedeısiz sermeı beredi. Ánin baýrap tyńdap otyrǵan halyqty bir silkindirý úshin aıǵaılap-aıǵaılap ta alady.

Al, Ulyqpan Joldasovtyń áninen góri shashy men turpaty eldi eleń etkizetini sózsiz. Bul onyń basty kóziri. Onymen qoımaı onyń gıtaramen teńselip turǵan áni talaı jannyń júregin baýrady.

Búginde "Batys" tobyn sahnanyń serkelerine aınaldyrý úshin kóp eńbek etip júrgen prodúser top múshelerine kóńildi ánderdi repertýarlaryna qosýda.

Derekkóz: "31" telearna