Qyrǵyzstannyń eks-prezıdenti Qurmanbek Bákıev pen onyń týǵan aǵasy Jánibek Bákıevti Bishkektegi Oktábr aýdanynyń soty syrttaı 10 jylǵa sottady. Bul týraly TASS agenttigi sot kanselárıasyna silteme jasap habarlaıdy, dep jazady Qamshy.kz aqparat agenttigi.
«Olarmen qosa túrli merzim men aıyppul tóleýge aýylsharýashylyq jerdi zańsyz paıdalanǵan birneshe sheneýnik mindetteldi», - delingen kanselárıada.
Ulttyq parlamenttiń eks-depýtaty Qarǵanbek Samakovtiń dúnıe múlki tárkilenip, ózi 10 jylǵa sottaldy. Alaıda ol raqymshylyqqa ilinip, jaza merzimi úsh esege qysqarǵan. Burynǵy vıse-premer Eskendir Aıdaralıev, sondaı-aq eks-premer jáne qazirgi parlament depýtaty Igor Chýdınov qylmysy úshin 5 mln qyrǵyz somy mólsherindegi aıyppul tóleýge mindetteldi. Budan ózge, atalmysh qylmystyq áreket aıasynda birneshe memlekettik qyzmetkerlerdiń ústinen is qozǵalǵan.
Bul topqa qatysty qylmystyq is 2 jyl buryn qozǵalǵan. Olarǵa qatysty 262 gektar aýylsharýashylyq jerdi turǵyn úıler salýǵa arnalǵan aýmaqqa aınaldyrǵany úshin aıyp taǵylǵan.
