Almaty qalalyq mamandandyrylǵan aýdanaralyq soty qazaqstandyq operatorlar Ksell men Tele2 arasynda daý týǵyzǵan bannerdiń zańdy ekenin málimdedi. Bul týraly Tele2 baspasóz qyzmetine silteme jasap "Qazaqstan jańalyqtary" habarlaıdy.
Daýdyń basy Ál-Farabı kóshesinde ornalasqan úıdiń qabyrǵasynda "Ksell" aksıonerlik qoǵamy jáne "Tele2" aksıonerlik qoǵamy qatar ilingen jarnamalyq bannerlerinen bastaldy.
"Ksell" aksıonerlik qoǵamy men A.Shın degen azamattyń pikirinshe, syrt kózge qaraǵanda jarnamadan "Ksell" aksıonerlik qoǵamy "tele2" kompanıasyn usynady degen maǵynany ańdaýǵa bolady.
Osyǵan baılanysty "Ksell" aksıonerlik qoǵamy kompanıasy, "Mobaıl Telekom-Servıs" JSHS (Tele2) kompanıasynyń antıjarnamalyq áreketine shaǵymdanyp, sotqa aryz túsirgen bolatyn.
Sot atalǵan bannerden antımonopolıalyq zańnamany buzý deregi joqtyǵyn, bul slogandy ornatýǵa zań boıynsha tyıym salynbaǵanyn aıtty.
"Biz mundaı kezde daýdy ákimshilik tásilmen sheshýge qarsymyz. Qarsylastarymyz bizden aqyly men shyǵarmashylyǵynyń arqasynda asyp ketse, onda ony laıyqty jaýap dep sanaımyz", - dedi Qazaqstan "Tele2" basqarma tóraǵasy Pıetarı Kıvıkko.
newskaz.kz
