Búgin Almaty qalasynyń «Qaırat» fýtbol klýbynyń oıynshylary Túrkıaǵa attanady.

Onda olar 8-23 qańtar kúnderi aralyǵynda jańa maýsymǵa daıyndyq barysyndaǵy oqý-jattyǵý jıynyn ótkizedi. Slovakıalyq bas bapker Vladımır Vaıss jattyqtyratyn almatylyqtar buǵan deıin Belek qalasynda  9-22 jeltoqsan kúnderi alǵashqy ázirligin ótkizgen bolatyn. Onda olar 14 jeltoqsan kúni ótken joldastyq machta Qaraǵandynyń «Shahter» komandasynan (2:0) basym túsip, 17 jeltoqsanda Reseıdiń Nalchık qalasynyń «Spartak-Nalchık» komandasymen (0:0) teń tústi.

Ekinshi jıynǵa attanar aldynda komanda basshylary jartylaı qorǵaýshy Rýslan Saqalbaevpen kelisimshartty 3 jylǵa uzartty. Buǵan deıin V.Vaıss aldymen komandanyń qazirgi quramyn  elekten ótkizip, legıonerlermen kelisimshartty uzartý-uzartpaý máselesin sheshemiz degen bolatyn.