Búgin Tájikstan Respýblıkasy men Qazaqstan Respýblıkasy arasynda dıplomatıalyq qatynastardyń ornaǵanyna jıyrma jyl toldy. Osynaý tarıhı kúnge oraı Tájikstan prezıdenti Emomalı Rahmon Qazaqstan Prezıdenti Nursultan Ábishuly Nazarbaevqa qos el arasyndaǵy yntymaqtastyqtyń jandana berýine tilektestik bildirip, quttyqtaý hat joldady. Bul týraly QR Prezıdentiniń baspasóz qyzmeti habarlady. 

"Qurmetti Nursultan Ábishuly!

Osy kúnderi Tájikstan Respýblıkasy men Qazaqstan Respýblıkasy arasynda dıplomatıalyq qatynastardyń ornatylǵanyna jıyrma jyl tolady.Tájik-qazaqstan qatynastarynyń qazirgi tarıhyndaǵy osy mereıli kún Sizge jáne Siz arqyly baýyrlas barsha Qazaqstan halqyna shyn júrekten shyqqan quttyqtaýlarym men izgi tilekterimdi joldaýdaǵy qýanyshty sátterdi maǵan syılap otyr.

Bizder úshin asa erekshe osy oqıǵa bolǵan shaqtan keıingi mezgilde Tájikstan men Qazaqstan arasyndaǵy dostyq qatynastar men ózara tıimdi yntymaqtastyqtyń ekijaqty formatta da, kópjaqty ózara is-qımyldarda da serpindi damyp, qarqyndy ósýip otyrǵanyn zor rızashylyqpen atap ótkim keledi.

Búginde olar is júzinde memleketterimizdiń múddeleri úılesetin ómirdiń barlyq salalaryn qamtıdy jáne óńirlik turaqtylyqty saqtaýdyń faktory bolyp kórinýde.

Biz joǵary deńgeıde qalyptasqan qazirgi tájik-qazaqstan baılanystaryn qadirleımiz ári halyqtarymyzdyń oı-armandaryn eskere otyryp, olardyń ár alýan aspektilerin ýaqyt talaptaryna sáıkes, jańa mazmunmen tolyqtyrýǵa múddelimiz.

Tájik-qazaqstan qatynastarynyń búgingi áleýetine súıene otyryp, birlesken kúsh-jigerdiń arqasynda ózara baılanysty damytýda jańa bıikterge jetetinimizge senim bildiremin.

Qurmetti Nursultan Ábishuly, Sizge shyn yqylaspen zor densaýlyq jáne qyzmetińizge jańa tabystar, al baýyrlas barsha Qazaqstan halqyna qut-bereke jáne budan bylaı da gúldene berýdi tileımin", - delingen Tájik basshysynyń quttyqtaýynda.

 BAQ.KZ