Almaty polısıasy strıptız-klýbtyń basshysy men onyń ákimshisin jeńgetaılyq áreketi úshin ustady dep habarlaıdy Qamshy.kz aqparat agenttigi Almaty qalalyq İİD-niń baspasóz qyzmetine silteme jasap. 

Klýbta jasalǵan qylmystyq áreketti áshkereleý úshin uıymdasqan qylmyspen kúres basqarmasy tekserý jumystaryn júrgizdi.

«Klýb basshysy men ákimshisi qonaqtarǵa jeńil júristi qyzdardyń qyzmetin usynǵany úshin kúdikti dep tanyldy. Klýb basshysy jezókshelerdi $300 satyp otyrǵan. Eger qonaqqa qosymsha erekshe jaǵdaıdaǵy bólme qajet bolsa qyzmet quny joǵarylaıtyn. Tekserý jumysy kezinde 22 jeńil júristi qyz ustaldy. Onyń úsheýi Reseı azamatshasy jáne ekeýi Ózbekstan azamatshasy» dedi Almaty qalasynyń İİD-niń uıymdasqan qylmyspen kúres basqarmasynyń basshysy Berik Ábilbekov.