Ánshi Qaraqat Ábildına "Alash aınasy" gazetine suhbat berip, ózin syrtynan tákáppar dep aıtatyndarǵa qarsy shyqty.

"Kóp adamnyń aýzyna qaqpaq bola almaıtynymyz ras. Pikirin ózgerte almaımyz. Kelisetin tusym, syrt kózge kókirekteý, tákáppar kórinedi dep sahnaǵa shyqqaly beri men týraly osyndaı pikir qalyptasqan. Ózimdi olaı dep eseptemeımin. Men týraly pikirdi menimen birge bite qaınasyp júrgen jandardan suraǵan abzal bolar", - dedi Qaraqat.

Ol osy jetistikke jetip, halyqtyń súıikti ánshisi atanýyna birden-bir sebepker bolǵan óziniń jary Qydyráli Bolmanov ekenin atap ótken.

"Men ondaı edim, men mundaı edim" dep aıtý ábestik bolar. Meni sahnaǵa alyp shyqqan da, elge tanystyrǵan da, ómirde de, ónerde de, qas qabaǵyma qarap, jan dúnıeme búkil jylýlyqty aıamaı tógip júrgen meniń jan jarym Qydyr. Ony men aıtýdan jalyqpaımyn. "Kúıeýiniń aldyna shyǵyp ketti, daýysy kúıeýinikin basyp ketti" degen pikirlerdi de estımin. Olaı emes bulaı dep aıtýdan aýlaqpyn. Ony kórý kerek, ony seziný kerek", - dedi ánshi.

Qaraqat Ábildına eshkimniń aýzyna qaqpaq bolmaıtynyn, biraq qandaı jaǵdaı bolsa da, jaqsylyqty aıtýǵa áýestený kerektigin jetkizgen.

"Ár kórermenniń óz pikiri bar. Qaısysyn bolmasyn jamandyqqa emes, jaqsy jaǵyna qaraı bursa eken. Biz de bir qazaqtyń kishkentaı otbasymyz. Ózimizshe baqytty bolsaq, keıingilerge úlgi bolsa dep júrgen jandarmyz. Osyndaı shańyraqtyń ári qaraı gúldenip ketýine halyq bolyp demegenniń ornyna ókinishke qaraı, tyrnaqtyń astynan kir izdep, artqa qaraı tartqylary keledi. Ózimiz sanaýly ǵana qazaqpyz. Sondyqtan bir birimizge jaqsylyq tilep, demeý bolsaq jaraspaı ma?", - dep túıindedi ánshi óz oıyn. "Nur.kz"