«Álem Arýy-2015» baıqaýynda Aıdaı Isaeva kórermenderdiń aldyna belgili otandyq dızaıner Aıda Kaýmenovanyń baıqaýǵa arnaıy tigilgen ulttyq kıim úlgisimen shyǵady dep habarlaıdy nur.kz

Esterińizge sala keteıik, Aıdaı Isaeva 25 qańtarda Maıamıde (AQSH) ótetin eń bedeldi sulýlyq baıqaýlarynyń biri "Álem Arýy-2015" dodasyna Qazaqstannyń atynan qatysady. Biz biletin 25 jastaǵy Aıdaı Isaeva - Asfendıarov atyndaǵy Qazaq ulttyq medısınalyq ýnıversıtetiniń túlegi, sondaı-aq qazirgi tańda Almaty qalalyq №1 emhanada otbasylyq dáriger bolyp qyzmet atqaryp júr. Baıqaýǵa daıyndyqty budan birneshe aı buryn bastap ketken Aıdaı shetel tilin meńgerip, jattyǵý zalyna baryp boı túzegen bolatyn. Endi mine, baq synaıtyn mezgil de jaqyndap keledi..

Baıqaý 25 qańtarda Maıamıde ótetin bolady. Jáne dál sol kúni tikeleı efırde Álem arýy anyqtalmaq. Jeńimpazǵa tájdi  Venesýelalyq  arý  Gabrıela Isler tabystaıdy.

Endeshe, bizdiń aıdaı sulý Aıdaıǵa sáttilik tileý ǵana qaldy!