Mádenıet jáne sport mınıstri Arystanbek Muhamedıuly Almatyda Aýyr atletıkadan ótken álem chempıonatynda ánuran shyrqalyp turǵan kezinde telefon arqyly sóılesýiniń sebepterin túsindirdi.
"Ilá Ilın álem birinshiliginde jeńgen kezde biz óte qatty qýandyq. Sondaı sátterde árbir adam qatty tolǵanysta bolady. Jarys bastalǵan kezde biz Iláǵa eger ol jeńiske jetse, ony memleket basshysy jeke quttyqtaıtynyn aıttyq. Ilá jeńisten soń, birden prezıdentpen qosýyn ótindi", - deıdi Muhamedıuly.
Mınıstrdiń sózine qaraǵanda, Qazaqstan Ánurany shyrqalyp turǵanda ony maqtanysh kernep turdy.
"Árbir prezıdent óz sportshylaryna úlken qoldaý bildiredi. Men prezıdentterdiń sportshylar jeńisinen keıin quttyqtamaǵanyn kórgen emespin. Prezıdenttiń Ilány quttyqtaýy barsha qazaqstandyqtar atynan bolǵanyn túsiný kerek", - dep atap ótti mınıstr. Bnews.kz
Pikir qaldyrý