Jolda júrý erejesin saqtamaı, jol apatyna ushyraıtyndar qatarynda otandyq estrada juldyzdary da bar. Iá, adam bolǵan soń, mundaı oqıǵa kez kelgenniń basynda kezdesedi. Sondyqtan, olardy bóle-jaryp qaraý da durys emes shyǵar. Alaıda, juldyzdardyń tez kózge túsýine olardyń tanymaldyǵy áser etetini sózsiz. Automag.kz saıty jolda júrý erejesin saqtamaǵan juldyzdardyń tizimin jasady.

Qaırat Túntekov jáne tólenbegen aıyppul

"SuperStar.KZ" jobasy arqyly halyqqa tanylǵan Túntekov naǵyz qazaqtar sekildi Toyota Camry 40 kóligimen júrgendi jaqsy kóredi. Byltyr ánshi Toyota Land Cruiser 100 kóligimen soqtyǵysyp qaldy.

Qýanyshqa qaraı, jol apatynan zardap shekkender joq. Alaıda, Qaırat sol kúıi aıyppulyn tólemeı, Lendkrýzerdi jóndeýge ketetin qarjyny bermegen.

Sol aralyqta ol 40 kún túrmege de otyryp shyqty. Ónerdegi dostarynyń jınap bergen aqshasyn balalar úıine qaıyrymdylyq esebinde aýdarǵan ol qaryzynan qutylǵanyn aıtady. Áıtse de, Qaırattyń basyndaǵy bul oqıǵa onyń halyq arasyndaǵy baǵasynyń tómendeýine áser etkendeı. Búginde ánshi úlken sahnalardan kórinbeıdi.

Erbolat Qudaıbergenov 4 jyl boıy kólik júrgizbeıdi

"Men qazaqpyn", "Bizdiń jigitter" dep ándetken Erbolat Qudaıbergenov mas kúıinde kólik júrgizgeni úshin 4 jyl boıy kólik júrgizý quqyǵynan aıyrylǵan bolatyn.

Erbolatqa qatysty bul oqıǵaǵa oraı kóp málimet joq. Áıtse de, ol áleýmettik jelidegi paraqshasyna jýrnalıserdi kinálaǵan jazba qaldyrdy.

"Meniń kólik júrgizý kýáliginen aıyrylǵanyma nazar aýdarmasańyzdar da bolady. Mundaı jaǵdaı ár elde, árkimniń basynda bolady. Tek bizdi jýrnalıser ony qalaı jetkizý kerektigin bilmeıdi", - dep jazǵan ánshi Facebook-tegi paraqshasyna.

Skrıpkashy jaıaý júrginshilerdi soqty

  Tanymal skrıpkashy Jámıla Serkebaeva da jol-kólik oqıǵasynyń "qaharmany" bolyp shyǵa keldi. Lexus RX 300 kóligin tizgindegen Serkebaeva rúlge ıe bola almaı, jaıaý júrginshiler jolynda kele jatqan 3 qyz balany qaǵyp ketken edi.

Odan bólek, Toyota Camry men Volkswagen Passat kólikterine soqtyǵysty. Skrıpkashynyń shyrq aınalǵan kólik rýline ıe bolmaǵanyn jasyrǵysy kelgen prodúser "Kólikti men júrgizdim" dep ara túsken. Alaıda, Jámılá keıin óz kinásin moıyndady.

Jaraqat alǵan 3 qyzdyń ekeýi aýrýhanaǵa túsip bireýi medısınalyq kómekten bas tartqan bolatyn.

 Qutpanova "konsert" qoıyp berdi

Al "Daýys International" tobynyń burynǵy múshesi, ánshi Jadyra Qutpanova kólikti mas kúıinde júrgizip, polıseılerge ǵana emes, barlyq tyńdarmanǵa keremet "konsert" qoıyp bergenin kópshilik umyta qoıǵan joq.

Mas kúıinde kólik júrgizgen ol jylap-syqtap, jol polıseılerine para usynyp, keıin tipti balaǵattaǵan da bolatyn.

Tanymal aktrısa, Qazaqstannyń eńbek sińirgen ártisi Lıdıa Kadenovanyń uly, jas ánshi  Dıdar Káden de jol-kólik oqıǵasyna jıi sebepker bolady.Dıdar №128 baǵyttaǵy jolaýshylar avtobýsymen soqtyǵysyp, eki tarap ta jeńil jaraqat alyp, is jabylǵan.

Jolda abaı bolyńyzdar, juldyzdar!