Búgin elimizdiń basym bóliginde aýa raıy jaýyn-shashynsyz bolady, tek batysta, soltústik-batysta atmosferalyq fronttardyń ótýine baılanysty qar jaýady dep habarlaıdy Qamshy.kz aqparat agenttigi  QazGıdrometke silteme jasaı otyryp. Keı jerlerde kóktaıǵaq bolady, tuman túsip, jel kúsheıedi, dep habarlaıdy Qazgıdromet. 

Atyraý, Mańǵystaý, Batys Qazaqstan oblystarynyń keı jerlerinde tuman túsip, kóktaıǵaq bolady, kúndiz Batys Qazaqstan oblysynda jel kúsheıedi – 15-20 m/s. 

Aqmola, Qostanaı, Aqtóbe, Soltústik Qazaqstan, Shyǵys Qazaqstan, Ońtústik Qazaqstan oblystarynyń keı jerlerinde tuman túsedi.

Jambyl, Qyzylorda oblystarynyń keı jerlerinde tuman túsip, jel 15-20 m/s kúsheıedi. 

Almaty oblysynyń jekelegen aýdanynda jel 15-20 m/s kúsheıip, ekpini 23-28 m/s jetedi, túnde keı jerlerinde tuman túsedi.