Jambyl oblysyndaǵy daýyl saldarynan kelgen shyǵyn 2 mlrd. teńgeden asady.

 Bul týraly búgin úkimettiń selektorlyq rejımdegi otyrysynan keıin BAQ ókilderiniń saýalyna jaýap bergen QR Tótenshe jaǵdaılar mınıstri Vladımır Bojko málim etti.

«Aldyn ala málimetter boıynsha shyǵyn 2 mlrd, teńgeden asady. Degenmen ol aldaǵy ýaqytta naqtylady. Óıtkeni qurylys komıteti men Memlekettik sáýlet-qurylys baqylaý mekemesiniń komısıasy shyǵyndy baǵalaıtyn bolady. Sodan keıin ǵana naqty kólemin biletin bolamyz», - dedi ol.

Onyń atap ótýinshe, qazirdiń ózinde Jambyl oblysynyń ákimdigi aımaq qorynan 170 mln. teńge qarjy bólgen.  Al elimizdiń basqa óńirlerinen kómek qarjy bólý máselesi ázirshe qozǵalǵan joq. Jalpy daýyl saldarynan zardap shekken ǵımarattardy qalpyna keltirý jumystaryna kóptegen qurylys uıymdary tartylǵan. Al jeke sektordy qalpyna keltirýde memleket tarabynan kómek berý máselesin ákimdikten qurylǵan komısıa sheshetin bolady.

Avtor: Marlan Jıembaı

«QazAqparat»