Abylaı sultan bop turǵan kezinde tań ata tús kórip, shoshyp oıanady. Uzaq tebirenip otyryp túsin jorý úshin Buqar Jyraýdy aldyrady. Qonaqty kútip bolyp,aqyryn túsin aıtyp bylaı dep baıandaıdy.
Tabytta jatyr ekenmin, basymda úsh tobyr jurt týǵa talasyp jatyr eken.Oń jaǵymda aıdaHar ysqyryp, sol jaǵymda aıý aqyryp mazamdy alyp jatyr. Bas jaǵymda Ýálıden taraǵan bir urpaǵym quran oqyp jatsa, aıaq jaǵymda Qasymnan taraǵan bir urpaǵym qylyshyn jalańdatyp meni qorǵap tur eken.Al men bolsam ólip bara jatsam da, eki jaǵymdaǵynan qalaı qutylsam eken dep jantalasýdamyn. Osyny joryp berińizshi deıdi ǵoı.
Sonda Buhar jyraý tereń oılanyp otyryp, kúrsinip bylaı degen eken.
Qyryqqa kelmeı tabytta jatsań, kóp uzamaı úsh júzge han bolady ekensiń. Han atyna ıe bolsań da, halqyńa ıe bola almaıdy ekensiń, sen ólgen soń úsh jaqqa tarap ketedi eken.Týǵa talasýy sonyń belgisi. Al elińniń eki búıirindegi alyp eki elge (Reseı, Qytaı) jaltaqtaýmen ótedi ekensiń. Al bas jaǵyńda otyrǵan Ýalıden taraǵan bir urpaǵyń (Shoqan Ýalıhanov) atyn qaǵazda, aıaq jaǵyńda qylyshyn jalańdatqan Qasymnan taraǵan bir urpaǵyń (Kenesary Qasymuly) atyn maıdanda qaldyrady eken deıdi. Abylaı sonda: men ózim qaıda qalamyn : İsińdi el unatsa úsh júzdiń júreginde qalasyń deıdi. "Halqyma adal qyzmet etemin",-  dep ornynan qarǵyp turyp, shapanyn serpip tastap júre berdi Abylaı.

Araı Orazov