Byltyr bir sharýamen Balqash qalasyna barǵan edik. Sol saparymyzda suńǵyla bir qarıamen tanystyq. Ákesi Ramazan  áıgili Álıhan Bókeıhanovtyń atqosshysy bolǵan adam eken. Biz birer aıdan soń qarıaǵa  qaıyrylyp soǵatynymyzǵa ýáde bergen bolatynbyz. Sol sertimizdiń sáti  túsip,  seksenniń altysyna qadam basqan  Qabylbek aqsaqalmen alty saǵatqa jýyq dıdarlasyp, áńgimesin beınetaspaǵa jazyp aldyq.

Myna tómendegi janymyz aýyra otyryp jarty saǵatqa qysqartqan beınebaıan kóp áńgimeniń kózmonshaqtaı bir úzigi ǵana. Barlyǵyn  tolyqtaı berýge kórermenniń ýaqytyn aıadyq.

Biz kóbinese Alash arystaryn  aıtqanda siresken resmı datalar men  dárejelerden (avtobıografıasynan) aryǵa bara almaı jatamyz. Al myna beınebaıannan Álıhannyń azamattyq ómiri men kisilik kelbetinen mol maǵlumat alasyzdar.  Áńgime barysynda aıtylatyn  kóshir  (at arba tizginshisi) búgingi shofór.  Qurmetti oqyrman, osy oraıda sizge qoıar bir saýalym bar. Búgingi sheneýniktiń shofóri kún erteń bolǵanda sol bastyǵyn eńirep turyp eske alatynyna qanshalyqty senimdisiz?  Árıne, beriler jaýaptyń qandaı bolatyndyǵyn  ishimiz sezetin sekildi. Osy bir az ǵana derekten Álıhannyń «jaqsyda jattyq joq» degen qazaq ǵaqlıasyna tutas tulǵasymen úlgi bolǵandyǵyn kóremiz.  Ámánda  shyn zıaly «tolyq adam» osylaı bolsa kerek.

Aǵaıynǵa aıtpaǵymyz  altyn ýaqytyńyzdyń jarty saǵatyn qıyp kórip shyǵyńyzdar. Ókinbeıtinderińizge ózim kepil.

 Qurmetpen Yqylas Ojaıuly