"Qazaq eli - 550 jyl" shyǵarmashylyq báıgesine!   

  Ashylǵanda tarıhtyń betteri, Oı salady ótkeni men ketkeni. Qarashadan «Handyq» qurǵan qazaǵym, Keshti nebir qıyn kúndi, ótkeldi.   Ár ǵasyrdyń bereri bar shyndyqtan, Qutylsada ústemdik pen quldyqtan. Syr shertedi urpaǵyna áli de, Talaı tarıh búrkelýde qum jutqan.   Tekke ketpes tirligińde ár isiń, Táńir qoldap bıiktesiń, áldisiń. Bes júz elý – «Handyǵyńa» jyl toldy, Bar álemge jar salasyń, bári shyn.   Ár handyqtyń orny bólek- bılik te, Óz ishinen týdy talaı búlik te. Qulatpady joǵary ustap ult rýhyn, Qulatpady mártebesi bıikte.   Jeriń mynaý ulanqaıyr kóz ushy, Ár qazaqtyń ózinde bop óz isi, Júrgeni joq, kelmeıtinin biledi, Bireýlerdiń quldyǵyna tózgisi.   Qany, jany ultpen birge týlaǵan, Qolda naıza, qylysh – týy bulǵaǵan. Batyr baba, asyl tektiń jalǵasy, Baıtaq jerdi urpaǵyna qorǵaǵan.   Jyldar  kýá, urpaq biler ótkendi, Umytpaıdy taýsylǵansha ot demi. Syn tarıh ǵasyrlarǵa  qaldyrdy, San joǵaltyp, san tiktegen ólkeni.   Qaıran elim shashyrady shań qaýyp, Tónip jatty taǵdyryna san qaýip. Biri qorǵap jerin jatyr atoılap, Biri ketti urpaǵy úshin jer aýyp.   Bul qazaǵym myń jyǵyldy, myń turyp, Jatsadaǵy júreginde muń tunyp. Qaısarlyǵyn taýdan alǵan sıaqty, Qaıtpastyǵy qara jerdeı tur tunyq.   Moıyndamaı ótti tegiń basqany, Atylsa da, shabylsa da bastary. Tilekteri urpaǵyna uran bop, Qaldy solaı, ashyq endi aspany.   Qıyndyqty bastan keshpeı el bolmas, Otanyna eńbek etpeı er ońbas. Taýelsizdik – baǵy bolsyn qazaqtyń Jeriń aman, jer kindiktes, jer joldas.   Baıandy bop qazaq eliń, eldigiń, Kók týyńdy kókke kóter endi myń. Jer astynda jatsa qansha baılyǵyń, Jer betinde asqaqtasyn erligiń.   Emes mynaý táýelsizdik alǵashqyń, «Handyq» qurdyń, bıik turdyń, arbastyń. Sonyń zańdy jalǵasyndaı myna kún, Álem tynysh, beıbitshilik jalǵassyn.   Tarıh ári eldiń berik irgesi, Tór meniki dep kóz alartpas kirmesi. As ishilip, aıaq sozar toı emes, Ulttyń ár kez bıik turar múdesi.   Qut-bereke mańdaıyna jazylǵan, Bizdiń qazaq túsken emes taǵynan. Jeriń baıtaq, eliń dana, qasterli, Aınalaıyn Táńir bergen baǵyńnan!!!       Lázzat IGİSİN Almaty qalasy