QR Parlamentiniń Májilisiń apparaty 2015 jyldyń 6 qańtar kúni QR úkimetiniń «Qazaqstan Respýblıkasynyń keıbir zańnamalyq aktilerine halyqtyń kóshi-qony jáne jumyspen qamtylýy máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasy týraly qaýlyny qabyldap alǵan edi. Bul týraly habar alynǵannan bastap kópten kútken tilegimiz oryndalǵandaı bolyp, bar aǵaıyn bir qýanyp qalǵanbyz.

Alaıda, Qazaqstan Respýblıkasy İshki ister mınstrligi Kóshi-qon polısıasy departamenti bastyǵy E.Saıynovtyń jýrnalıs Beısen Ahmetulyna bergen jaýaby kóńil kónshitpedi( http://qamshy.kz/?p=17996).  Qazaq tilinde jazsada adam túsinbesteı jazylǵan hattan bir bilgenimiz -qandastarymyz taǵyda azamattyq alý úshin bitpeıtin eki qaǵazǵa kelip tireletinin baıqaýǵa bolady. Azamattyq alatyn qazaqtarǵa ketý paraǵy men azamattyqtan shyǵý jónindegi anyqtama Qytaı halyq respýblıkasynan kelgen qandastar úshin azamattyqqa ótpeı-aq qoıyńdar degen sózben birdeı. Sebebi ol elde basqa eldiń azamattyǵyn almaı turyp óz azamattyǵynan shyǵarmaıtyn zań bar. Bul týraly belgili qoǵam belsendileri talaı márte úkimet pen parlamentke túsindirip hat jazǵan bolatyn, odan habarlaryńyz bary anyq.

Qazaqstan Respýblıkasy Parlament májilisiniń depýtattaryna aıtarymyz – dál osyndaı eń mańyzdy máseleler sheshim tappaǵan zań jobasy kóshi-qonǵa eshqandaı ózgeris ákelmeıdi. Atalǵan zańda 6 aıda azamattyq alýǵa bolady delingenmen, onda 6 jylda jınap bola almaıtyn joǵaryda ataǵanymyzdaı qıturqy qujattar bar.  Iaǵnı aty bar, zaty joq zańdy Úkimet jazyp, parlament qabyldaǵannan ne qaıyr? Sondyqtan álide kesh emes. Taldap, tarazylap, sheteldegi 5 mıllıon qazaqqa Atajurtyna keletin dańǵyl joldy kórsetińizder. Keletini keler, kelmeıtini qalar. Biz qolymyzdan kelgenimizdi jasaıyq. Jat el adymdaryn ashtyrmasada, biz ult aldynda, urpaq aldynda osynaý «Uly kóshtiń» aıaǵynan shalýǵa qaqymyz joq.

Turdybek Qurmethan