Ońtústik Koreıanyń hokeıden áıelder quramasy Phenchhanda ótetin Olımpıada oıyndarynda soltústikkoreıalyq sportshylarmen bir komandada oınaýǵa narazylyqtaryn bildirdi. Bul týraly Qamshy.kz aqparat agenttigi Reıters-ke silteme berip habarlaıdy.

Ońtústik Koreıa qurama komandasy bul týraly AQSH-taǵy jattyǵýlarynan kelgen soń bilgen. Sportshylar ózderiniń beıtanys adamdarmen oınaıtyndaryna alańdaýshylyq bildirip, komandadan ketýge májbúr bolatyndaryn aıtqan. Ońtústik Koreıa qurama komandasynyń bas bapkeri Sara Múrreı oıynshylardyń qarsy ekenin jetkizgen.

- Olımpıadaǵa tek 23 adam ǵana qatysa alady. «Bizdiń komandanyń sportshylary óz ornymyzdan aıyrylyp qalamyz ba?», - dep qorqyp otyr», - deıdi ol.

Sportshylardyń birigýine el azamattary da narazylyq bildirýde. Ońtústik Koreıa prezıdentiniń saıtyna eki el komandalarynyń birigip, bir týdyń astynda óner kórsetetine júzden asa shaǵym túsken.