Súleımenov Oljas Serikbaıuly Din isteri jáne azamattyq qoǵam mınıstri Nurlan Ermekbaevtyń jastar saıasaty máseleleri boıynsha shtattan tys keńesshisi bolyp taǵaıyndaldy, dep habarlaıdy Qamshy.kz aqparat agenttigi. 

Oljas Súleımenov 1990 jylǵy 24 mamyrda Qaraǵandy oblysynda dúnıege kelgen. Búginde «CentrAsia Group» kompanıasynyń  ónidiris jónindegi dırektory bolyp qyzmet etýde.  

«Bolashaq» baǵdarlamasymen oqýǵa túsip, Qytaıdyń Tongjı ýnıversıtetin «ınjener-qurylysshy» mamandyǵy boıynsha  bitirgen. 2012-2013 jyldar aralyǵynda Tongjı ýnıversıtetindegi «International Students Association» halyqaralyq stýdentter qaýymdastyǵynyń prezıdenti.  Qytaıdyń Sıan qalasyndaǵy «Kazakhstan Students Association in China»  qazaqstandyq stýdentterdiń jastar uıymynyń negizin qalaýshy.

«Drexler & Partner Construction Group» jáne  «PMJ Asia Construction Group  halyqaralyq kompanıalarynda qyzmet etti, «NATR» AQ-nyń Qytaıdaǵy bas ókili bolyp jumys istedi. 2016-2017 jyldary «SHEBERBUILD» qurylys kompanıasynyń bas dırektory laýazymynda bolǵan.

 «Daryn» memlekettik jastar syılyǵynyń ıegeri,  «Bolashaq» qaýymdastyǵynyń,  BUU  janyndaǵy jas kóshbasshylar qaýymdastyǵynyń múshesi.

2015 jyly BUU (Birikken Ulttar Uıymy) uıymdastyrǵan «Mnogo ıazykov - odın Mır» esse baıqaýynda jeńimpaz atandy jáne BUU Bas Assambleıasynyń minberinde  «Sý - tirshilik kózi» taqyrybynda baıandamasyn oqyǵan.

Oljas Súleımenov mınıstrdiń shtattan tys keńesshisi retinde "Qazaqstan 2020: bolashaqqa jol" memlekettik jastar saıasatynyń 2020 jylǵa deıingi tujyrymdamasyn iske asyrý sheńberinde memlekettik jastar saıasatynyń tıimdi úlgisin qalyptastyrýǵa óz úlesin qosatyn bolady.