Álemdegi eń úlken bes bank Azıada ornalasqan. Onyń tórteýi Qytaıǵa tıesili.
Qazir azıalyq bankter joǵary tabysynyń arqasynda ınvestorlardy tartyp otyr. Kez kelgen eldiń úkimeti eldegi bank ındýstrıasynyń damýyn jiti qadaǵalap, qoldaý kórsetip otyrady. Azıadaǵy qarjy ınstıtýttarynyń qalaı jumys isteıtinin aıtyp kórelik.
Álemdegi eń iri bes banktiń Azıada ornalasýynyń syry nede? Óńirdegi óz isine berilgen qyzmetkerlerdiń kúndiz-túni jumys istegen eńbeginiń nátıjesi me?
Árıne, joq! Azıa bankteri jyldar boıy jınaǵan abyroıynyń arqasynda aýqymyn ulǵaıtyp, qanatyn keńge jaıyp keledi.
Azıadaǵy bankterden qarjy alyp otyrǵan jergilikti kompanıalar, kásiporyndar men sharýashylyqtar da ósip-órkendep jatyr.
Bul bankter men kásiporyndar qalaı jumys isteıdi? Bulardyń batystaǵy mekemelerden qandaı aıyrmashylyǵy bar?
Azıadaǵy bank aktıvteri molaıyp, quny da kún saıyn qymbattap barady
1980 jyldan 2010 jylǵa deıingi aralyqta bankterdiń qarjy qory Qytaıda 20 ese, Japonıada 15 ese, Ońtústik Koreıada 13 ese artqan.
Tómendegi kesteden 2010-2016 jyldar aralyǵynda Azıa elderindegi bankterdiń qyzmeti qalaı óskenin baıqaýǵa bolady.
Sonyń ishinde: Qytaıda 9 paıyz, Úndistanda 5 paıyz, Indonezıada 7 paıyz, Gonkongta 8 paıyz, Malaızıa 4 paıyz, Sıngapýrda 5 paıyz, Fılıppınde 9 paıyz, Ońtústik Koreıada 6 paıyz, Taıvanda 4 paıyz, Taılandta 5 paıyz, Vetnamda 12 paıyz jáne basqa elderde 12 paıyz ósim tirkelse, Japonıada 2 paıyz tómen túsken.
Azıa elderindegi bankterdiń 2010 jyldan 2013 jylǵa deıingi ortasha jyldyq ósimi – 10,5 paıyz. Al 2014 jyldan 2016 jyl aralyǵy 6,9 paıyzdy kórsetip otyr.
Tómendegi kestede kórsetilgendeı, Azıa-Tynyq muhıty aımaǵyndaǵy elderdiń jıyntyq aktıvteri men kiris ósimi álemniń qalǵan bóligin basyp ozǵan.
Derekterge súıensek, Azıa-Tynyq muhıt aımaǵyndaǵy elderde bank salasy qarqyndy damýda.
Al myna kestede Azıa-Tynyq muhıt aımaǵyndaǵy (Qytaı, Taıland, Vetnam, Indonezıa jáne t.b.) damýshy elder aktıv qory jaǵynan dúnıejúzinde úshinshi orynǵa turaqtaıdy dep boljanǵan.
Aktıvter men nesıelerdiń baılanysy
Bankte jınaqtalǵan aktıvter kóp bolǵan saıyn ol kóbirek paıda túsiredi. Ádette nesıe ósiminiń 1 paıyz artýy ekonomıkalyq ósimge 0,57 paıyz tabys ákelýi múmkin. Baıqaǵanymyzdaı, nesıeleýdiń ósýi men JİÓ ósýi arasynda myqty korrelásıa bar.
Qytaıdaǵy nesıeleýdiń ósýi men JİÓ ósýiniń arasyndaǵy baılanys tómendegi kestede kórsetilgen.
