Facebook áleýmettik jelisiniń negizin qalaýshy ári CEO-sy Mark Sýkerbýrg bıyl ekinshi ret Facebook saıasatyna qatysty málimdeme jasady dep jazady Qamshy.kz
Ol málimdemesinde «Basty nazardy 2018 jylǵa salýdy jalǵastyryp, Facebook-tegi ýaqyttyń bárimiz úshin jaqsy ótýine jaǵdaı jasaý» máselesin kótergen.
«Ótken aptada otbasy men dostar arasyndaǵy mándi áleýmettik qarym-qatynasty, ıaǵnı pasıvti tutynýǵa jaǵdaı jasaý úshin jasalynatyn iri ózgerister týraly málimdeme jasaǵan bolatynmyn. Nátıjesinde, sizder Facebook-ten brendterdiń jarnamasyn, jańalyqtar men vıdeo jazbalardy qamtıtyn qoǵamdyq kontentti sırek kóretin bolasyzdar. Bul ózgeristerden keıin, biz lentadaǵy jańalyqtardy 4% shamasynda, ıaǵnı búgingi 5%-dan azaıady dep kútýdemiz. Bul aıtarlyqtaı, úlken ózgeris, alaıda jańalyqtardyń bolýy árqashan pikirtalas týdyryp, adamdardyń mańyzdy taqyryptarda oı qozǵaýyna septigin tıgizetini umytpaý kerek», - dep qýantady Facebook tutynýshylaryn Sýkerbýrg.
«Búgingi jazbamda men sizdermen ekinshi mańyzdy ózgeris týraly habardar etkim keledi. Sizder qaraǵan jańalyqtar az, biraq joǵary sapaly bolýyn qamtamasyz etý. Men ónim jasaıtyn topqa senimdi, aqparattyq jáne jergilikti jańalyqtar jazatyn buqaralyq aqparat quraldaryna basymdylyq berýdi tapsyrdym. Kelesi aptada biz senimdi aqparat kózderinen jumys atqarýdy bastaımyz.
Búgingi tańda álemde sensasıa, jalǵan aqparat pen polárızasıa qaptap ketti. Áleýmettik jeli aqparat taratýdyń eń tez joly ekenin eskersek, odan týyndaǵan máselelerdi qazirden bastap aldyn alýymyz kerek. Sebebi, sońynda ol tym kúsheıip ketýi múmkin. Sondyqtan, jańalyqtar tizimi ortaq kózqaras qalyptastyratyn tek joǵary sapaly aqparattardan quralýy kerek.
Bizdi oılandyrǵan eń qıyn suraq – ol álemde qandaı aqparat kózderi senimdi ekendigin ajyratý. Bul sheshimdi biz tobymyzben qabyldaı salýshy edik, alaıda oǵan kóńilimiz tolmaıdy. Sol sebepti, óz ishimizden emes, syrttaǵy sarapshylardan qol ushyn surap, obektıvti sheshim qabyldaýyn nemese qoldanýshylardyń pikirin suraýdy oıladyq.
Sońynda biz qoǵamnan qaı aqparat kózderi senimdirek ekendigin suraýdy eń durys sheshim dep taptyq.
Onyń negizinde biz saýalnama jasap, aqparat kózderiniń tizimin usynyp, olardy biletindikterin jáne qanshalyqty senimdi ekendigin aıqyndaımyz. Osy qadamnyń barlyǵy jeli qoldanýshylaryna jaqyn adamdarymen tıimdi qarym-qatynas ornatýǵa jáne joǵary sapaly, senimdi aqparatpen qamtamasyz etýge septigin tıgizedi degen úmittemin», - dep aıaqtalǵan ekinshi málimdeme.
Sýkerbýrg Facebook-tiń saıasatyn 2018 jyly nelikten ózgertetini týraly bir apta buryn jazǵan málimedesin bloger Nurlan Janai qazaqshalaǵan bolatyn.
«2018 jylǵy bizdiń basty baǵyttarymyzdyń biri – Facebook-ke ketken ýaqytymyz tıimdi jumsalǵanyna kóz jetkizý. Biz Facebook-ty adamdarmen árdaıym baılanysta jáne biz úshin mańyzdy jandarmen jaqyn bolýǵa kómektesý úshin jasadyq. Sondyqtan biz árqashan dostarymyz ben otbasymyzdy jobanyń negizi sanaımyz. Zertteýlerge súıensek, qarym-qatynasty nyǵaıtý bizdiń jaǵdaıymyzdyń jaqsaryp, kóńil-kúıimizdiń kóterilýine alyp keledi.
Degenmen sońǵy ýaqytta bizdiń qaýymdastyqtan alǵan fıdbek (reaksıa, baılanys) boıynsha, áleýmettik kontent, atap aıtar bolsaq, bıznes, brend jáne medıa paraqshalardyń jazbalary bir-birimizben kóbirek aralasýǵa septigin tıgizetin jeke ómirlik oqıǵalardy yǵystyryp shyǵarǵan.
Qalaı bundaı jaǵdaıǵa túskenimiz túsinikti shyǵar, sońǵy eki jylda vıdeo men basqa da áleýmettik materıaldar Facebook-ty kernep ketti. Lentada dostar men otbasymyzdyń jazbalaryna qaraǵanda áleýmettik materıaldar kóbeıýi Feısbýktyń negizgi mindeti sanalatyn bir-birimizben aralasý fýnksıasy arasyndaǵy kontent balansyn buzyp jiberdi.
Bizdiń servıster tek qana oıyn-caýyq úshin ǵana emes, adamdardyń ál-aýqatyn jaqsartýǵa qyzmet etýi úshin de jaýaptymyz. Sondyqtan biz bul úrdisti akademıalyq zertteýlerge súıenip, ýnıversıtetterdegi jetekshi sarapshylarmen óz zertteýlerimizdi jasaı otyryp, muqıat zerttedik.
Zertteýler nátıjesinde, biz áleýmettik medıany jaqyn jandarmen baılanysý úshin qoldansaq, ol bizdiń ıgiligimiz úshin qyzmet etedi eken. Bizdiń kóbirek baılanysta, al azyraq jalǵyzdyqta qalýymyz baqyt pen densaýlyqtyń negizgi kórsetkishterine tikeleı baılanysty. Basqa qyrynan alsaq, maqalalardy jaı ǵana oqyp, vıdeolardy kóre salý - olar qansha jerden qyzyqty bolsa da, odan paıda bolmaýy múmkin.
Osyǵan súıene otyryp, biz Facebook-ty qalaı damytýǵa baılanysty úlken ózgerister engizemiz. Jobany jetildirýmen aınalysatyn komandamnyń maqsatyn ózgertip, áleýmettik mándi qatynasty kúsheıtýshi materıal tabý baǵytyna basa nazar aýdarýdy tapsyrdym.
Bul baǵytta ózgeristerdi ótken jyly engize bastadyq, biraq ol úshin barlyq ónimderimizge ózgeris jasaý az ýaqytty talap etpeıdi. Siz kóretin alǵashqy ózgerister dostaryńyz, otbasyńyz ben toptaryńyzdan kóbirek materıal kórý úshin Jańalyqtar lentasynan bastalady.
Lentany aınaldyrǵanda, bıznes, brend jáne medıa sıaqty áleýmettik materıaldardy azyraq kóresiz. Onyń ózinde sizge kórinetin áleýmettik kontent adamdar arasyndaǵy mándi qarym-qatynas jasaý standartyna súıenedi.
Mysalǵa, TV shoýlary men sport komandalaryna tyǵyz baılanysy bar qaýymdastyqtar óte kóp. Biz adamdardyń jaı vıdeo baılanysqa qaraǵanda, laıv vıdeolarda kóbirek qarym-qatynas jasaýynyń kýási boldyq. Keıbir jańalyqtar ózekti máseleler týraly talqylaýǵa múmkindik beredi. Degenmen búginde jıi vıdeo qaraý, jańalyq oqý jáne paraqshany jańartý jaı ǵana pasıv tájirıbe bolyp tur.
Ashyǵyn aıtatyn bolsam, bul ózgeristerden soń, adamdardyń Facebook-ta ýaqyt ótkizýi men táýeldi bolyp qalý kórsetkishi tómendeıdi. Sondaı-aq, sizdiń Facebook-ta ótkizgen ýaqytyńyz baǵaly bolady dep oılaımyn. Eger biz osyny durys jasaı alsaq, qaýymdastyq úshin de, bıznes úshin de uzaq merzimde utymdy bolatynyna senimdimin.
Asylynda Facebook árdaıym jeke qarym-qatynasqa negizdelgen. Meıli dostaryńyzben, otbasyńyzben bolsyn nemese álemdegi mańyzdy oqıǵalar aıasynda bolsyn, adamdardyń bir-birine jaqyn bolýyna basa nazar aýdaryp, Facebook-ta ótkizgen ýaqytyńyz bosqa ketpegenine senimdi bolýyńyz úshin barymyzdy salamyz».
(c) Mark Sýkerberg
