Ár eldiń zańy ár túrli bolyp keledi. Kóptegen memleketterde aýyr qylmys istegen adamdy jazalaıtyn bolsa, keıbir elderde qylmysty istegen adamdy emes, qurban bolǵan adamdy jazaǵa tartady eken. Sol sekildi anews.com saıtyna jarıalanǵan oqıǵalardyń birin Qamshy.kz aqparat agenttigi nazarlaryńyzǵa usynady.

Derekterge sensek, Pákistanda 19 jastaǵy qyz ólim jazasyna kesilipti. Jas boıjetken ózin aǵasy zorlyqqa jyqty dep jergilikti sotqa shaǵym túsirgen, alaıda sot qylmyskerdi emes qurban bolǵan qyzǵa úkim shyǵarǵan. Sonymen qatar, qylmysker boıjetkendi tapanshamen qorqytqan eken.

Bul oqıǵa jaıynda 19 jastaǵy qyz Radjanpýrdegi sotqa shaǵym túsirgen. Bul taıpalyq júıe sot tóreliginiń normalary men resmı sot sheshiminen bólek jumys isteıdi. Belgili bolǵandaı, mundaı taıpalyq sot júıesi belgili bir qalalarda bar. Alaıda sot qyzdyń ózin aıyptap, qylmyskerdi emes qurban bolǵan adamdy jazaǵa tartý týraly úkim shyǵaryp.

Eń tańqalarlyǵy – mundaı sottyń quramynda qurban bolǵan qyz ben zorlyq jasaǵan qylmyskerdiń ákesi de bolady. Ol óziniń qyzyn zınaqorlyq jasady dep aıyptap, neke adaldyǵyn buzýshy «karıı» dep ataǵan.

Nátıjesinde, qyzdy kúń retinde satýǵa nemese ólgenshe taspen atyp jazalaýǵa úkim shyǵaryldy. Al zorlyq kórsetken qylmyskerge qatysty sot eshqandaı da shara qoldanbaǵan.

Zorlyqqa ushyraǵan qyz ózine shyǵarylǵan úkimmen kelispeı, quzyrly organdar men polısıaǵa habar bergen. Olar dereý qylmystyq iske qatysty tergeý jumystaryn bastap, panchaıat dep atalatyn taıpalyq sot ókilderiniń barlyǵy qamaýǵa alynyp, 19 jastaǵy qyzdy memleket óz qamqorlyǵyna alǵan.

Bul elde áıelderdi kóbinde zınaqorlyqpen aıyptap, óz otbasylarynyń músheleri óltiredi. Olar muny ózderiniń bedelin saqtap qalý úshin, uıatty qanmen jýý kerek dep ataıdy.