Birinshi aýyr salmaqta WBO belbeýiniń ıegeri ýkraınalyq Aleksandr Ýsık aldaǵy ýaqytta óz salmaǵynda álemdegi myqty boksshy ekenin dáleldep, sodan soń asa aýyr salmaqqa aýysyp Entonı Djoshýany jekpe-jekke shaqyrýdy oılastyryp otyr. Bul týraly boksshynyń ózi Sky Sports telearnasyna bergen suhbatynda aıtty, dep jazady Qamshy.kz aqparattyq agenttigi vesti.kz-ge silteme jasap.
«Men asa aýyr salmaqqa aýysyp, barlyq jankúıerge ózimniń myqty ekenimdi dáleldeımin. Meniń qanshalyqty myqty ekenimdi Djoshýamen kezdesýimde kóresizder. Biraq ol jekpe-jek qazir bolmaıdy. Menen únemi Entonıdiń  deńgeıin surap jatady. Djoshýanyń qanshalyqty kúshti ekenin menimen bolatyn kezdesýde kóresizder», – deıdi Ýsık. 

Sonymen qatar Ýsık jýyq arada asa aýyr salmaqqa aýysý týraly oıy joq ekenin aıtty. Boksshynyń barlyq nazary qazir WBC belbeýiniń ıegeri Maırıs Brıedıske qarsy ótetin kezdesýge aýyp otyr. 

«Meniń oıymsha, Brıedıs – kareramdaǵy eń myqty qarsylas. Ol 23 ret jeńip, birde-bir ret jeńilgen joq. Soqqysy da myqty. Sondyqtan men ony qaýipti qarsylas dep oılaımyn. Men negizi únemi 12 raýnd judyryqtasýǵa daıyndalamyn. Biraq aldaǵy kezdesýdi Maırısti nokaýtqa túsirýge tyrysamyn», – deıdi Ýsık. 

Aıta keteıik, Ýsık pen Brıedıs arasyndaǵy kezdesý 27 qańtar kúni Rıgada «Arena Riga» sport kesheninde ótedi.

Al Entonı Djoshý bolsa óziniń kelesi kezdesýin 31 naýryz kúni Kardıff (Ýels) qalasyndaǵy «Principality Stadium» arenasynda ótkizedi.