Birinshi orta salmaqta IBF belbeýiniń ıegeri, kásipqoı boksta jeńilistiń kermek dámin tatpaǵan amerıkalyq boksshy Djarrett Herd (21-0, 15 KO) osy salmaqta WBA (Super) jáne IBO belbeýleriniń ıegeri kýbalyq Erıslandı Laramen (25-2-2, 14 KO) kezdesetin boldy, dep habarlaıdy  Qamshy.kz aqparattyq agenttigi Vesti.kz-ke silteme jasap.

Jekpe-jek 7 sáýir kúni ótedi. Kezdesý Showtime arnasy tikeleı efırde kórsetedi. Biraq kezdesýdiń naqty qaı jerde ótetinin belgisiz. 

Eske salaıyq, ótken jyldyń qazan aıynda Herd pen Lara bir boks keshinde óner kórsetken edi. Ol kezde amerıkalyq boksshy álemniń burynǵy chempıony Ostın Traýttan (30-4, 17 KO) ústem tússe, kýbalyq boksshy tóreshilerdiń sheshimi boıynsha Terrel Gaýshadan (20-1, 9 KO) aılasyn asyrdy.  

Aıta keteıik, jýyrda Qanat Islamǵa (25-0, 20 KO) Herdpe jekpe-jek ótkizý týraly usynys aıtylǵan edi. Mundaı usynysty amerıkalyq machmeıker Raınelo Nelson Lopes jasady. 

Degenmen de qazirgi ýaqytta Qanat Islamnyń basqa da mindetteri bar. 2017 jyldyń 21 qarashasynda WBA Qanat Islam men amerıkalyq Djon Vera (18-0, 11 KO) arasyndaǵy kezdesýdi uıymdastyrýǵa bir aı ýaqyt bergen. Qaı jeńgeni Laranyń mindetti qarsylasy bolatyn edi. Biraq jekpe-jekti uıymdastyrýǵa berilgen ýaqyt aıaqtaldy. Degenmen bul kezdesý týraly eshqandaı aqparat joq. Al amerıkalyq boksshynyń komandasyndaǵy derekkózdiń málimeti boıynsha, qazaqstandyq boksshy bul kezdesýden bas tartypty.