Julien Jaffres dep atalatyn Belgıalyq mýzykanttar toby Qazaqtyń Qamajaıyn evropalyq mánerde oryndap shyqty.

Buǵan dálel, ǵalamtorda paıda bolǵany kelesi vıdeo-túsirilim. Qazaqstandyqtardyń nazaryn dál osylaı ózine aýdartqan mýzykanttar elimizdegi telearnalardyń birine bergen suhbatynda «Qamajaı» ániniń Qazaq mýzyka tarıhynda alar orny erekshe ekendigin, jáne «Qamajaıdy» aldaǵy ýaqytta qazaqstandyq ánshilermen birge qosylyp shyrqaǵysy keletinderin aıtty.

Ózgeniń gıtara, skrıpka, volynka, baraban aspaptarynyń súıemeldeýimen oryndalǵan bizdiń «Qamajaı» Julien Jaffres tobynyń án jınaǵyna enip te úlgeripti. Aıta ketý kerek, budan tórt jyl buryn Belgıa ánshisi Vım Roland Abaıdyń "Kózimniń qarasy" ánin shyrqaǵan bolatyn.

Dál osyndaı «bótenniń » qazaqtyń ánin aıtyp, bıin bılep júrgen vıdeorolıkteri ǵalamtorda qazir qaptap júr..Osy arada «nege?» degen saýal týyndaıdy. Qazaqtyń aqkóńildiligin paıdalanyp, tıyn teben tapqysy kelgendegi utymdy jasalǵan pıar ma,álde shyn mánisinde eldi,jerdi qurmettegeni me?

Kúdik týǵyzady..

Pıar dep otyrǵan sebebimiz, bizdiń qazekeń qazirgi kezde olardy qyzyqtap,toı tomalaqtarǵa shaqyryp álek..

Nazerke Toǵjanova