Batystaǵy ózin bilimdimin dep sanaıtyn qaýymnyń Bethovendi, Mosartty, Shopendi bilmeýi múmkin be? Nemistiń bir belgili saıasatkeri, kásipkeri Mosart degen kim degen suraqqa jaýap bere almasa úlken MASQARA bolar edi ǵoı? Tipti bolmaǵanda « Kompozıtor bolǵan» dep aıta almasa!
Al sondaı bir belgili órkenıeti damyǵan batystyń adam Povorottı kim, Marıa Kallas, Karýzo kim degen suraqqa 1bilmeımin, fýtbolıst pe6 bokser me" dep jaýap berýi múmkin be? Onda ol adam ózin saýattymyn dep aıta alar ma edi? Olaı jaýap bergen ózin elıta sanap júrgen adam eldiń betine qaraı almastaı MASQARA bolar edi!
Al bizdiń eldiń aldynda júrgen saıasatker, kásipker qazaqtardan: Birjan sal kim? Aqan seri kim? Áset pen Kempirbaı kim dep surasań qanshasy jaýap bere alady? Súgir men Dáýletkereıdi, Yqylas pen Qorqytty, qaısysy ajyrata alady? Bizdiń sol dúldúlderimiz batystyń kompozıtarlarynan qaı jeri kem edi??
Ámire men Júsipbek, Ǵarıfolla men Mádenıetterdiń ánderin, qazirgi kezde solardyń izin basyp, kózindeı bolyp kele jatqan ǵalamat ánshilerimiz Erkin Shúkimán, Erlan Tóleýtaı men Erlan Rysqalı, Ramazan sıaqty baýyrlarymyzdyń ánderin qaısysy tyńdaıdy, faneramen aıtatyn arzan ánshilerdiń astarynda qaldyrdyq ńaǵyz bekzat KLASIKALYQ ÓNERİMİZDİ ben naǵyz ÁNSHİLERİMİZDİ kim baǵalaıdy?
Qazirgi zamannyń tehnologıasy qolymyzda, Qudaıǵa shúkir, Qazaqtardyń qolynda. Qany bar qazaqtar, urpaǵyn, bolashaǵyn oılaıtyn qazaqtar qolynan kelgenshe osy Klasıkalyq (dástúrli) ónerimizdi alǵa súıreıik degim keledi. TV da, Juldyzdar otbasy sıaqty, basqa aqparat quraldarynyń qulaǵyn ustaǵan qandastarymyzǵa jáne jalpy toı jasaıtyn Qazaq aǵaıynǵa naz: Toılaryńyzǵa faneramen jazyp alǵan, 2-3 notadan turatyn arzan ánshilerdi emes NAǴYZ ÓNER ıelerin shaqyryńyzdar, áspetteńizder, urpaqtaryńyzǵa nasıhattańyzdar!! NAǴYZ JULDYZDAR solar! Qalǵan faneramen aıtyp júrgender arzan, birazdan soń qýaty bitip qalatyn balaýyz shamdar!
Naǵyz sapaly ánder ǵasyrlar tezinen ótip, osy kúnge jetken bizdiń babalarymyzdan qalǵan ASYL ÁNDER men KÚILER! Olar da, sol ánder men kúılerdi joǵary deńgeıde oryndap qazirgi dúldúlderimiz qazirgi baǵalap júrgen dańǵyrlaqtan júz ese qymbat turýy kerek!
Chıp chıp, aýyrmaıdy júrek, aspanǵa qaraımyn 1000 dollar tursa, joǵaryda aıtqan ánshilerimiz 10 000 dollar turýy kerek! Bıik penen alasanyń shekarasyn adastyryp almaıyq aǵaıyn!
(Ahmetbek Nursılanyń feısbýktegi paraqshasynan)
