Tanymal boks bapkeri Hoel Dıas WBA (Super), IBO, WBC jáne IBF tujyrymdary boıynsha orta salmaqtaǵy álem chempıony qazaqstandyq Gennadıı Golovkın (37-0-1, 33 KO) men meksıkalyq Saýl "Kanelo" Alvares (49-1-2, 34 KO) arasynda ótetin ekinshi kezdesý jaıly pikirin aıtty, - dep habarlaıdy Qamshy.kz aqparat agenttigi Vesti.kz saıtyna silteme jasaı otyryp
"Men Alvareske qarsy kezdesý Golovkınniń 1-2 raýndta-aq jeńiske jetkenin arenada otyryp óz kózimmen kórdim. Biraq sizder sol jekpe-jekti qaıta kórgilerińiz kelse, múlde basqa kartınany kóresizder. Tepe-teń túsý - bul oıynnyń bir bóligi ǵana. Bul - bıznes. Al biz ekinshi jekpe-jekti kórgimiz keledi", - deıdi Hoel Dıas.
Sondaı-aq, bapker ekinshi kezdesýde "Kanelonyń" Golovkındi jeńetinin aıtady. "Nege "Kanelo" jeńedi? "Kanelo" Golovkınge óte jaqyn qashyqtyqta judyryqtasty. Sosyn alys araqashyqtyqqa ótti, degenmen ol barlyǵyn baqylap júrdi. Ekinshi kezdesýde "Kanelo" kóbirek soqqy jasap, belsendirek bolýy kerek. Sonda ǵana ol Golovkındi jeńe alady", - deıdi ol.
Munymen qosa, bapker "Kanelonyń" áli jas ekenin, sondyqtan da oǵan 5-6 raýndta sharshap qalmaýy úshin jattyǵý kerektigin aıtyp ótti.
"Al Golovkın ne isteýi kerek? Oǵan "Kanelony" nokaýtqa túsirý kerek. Bul jerde bokstyń basty juldyzy Alvares. Sondyqtan munda Golovkınniń jalǵyz bir múmkindigi bar - ol nokaýt", - dedi Hoel Dıas K.O Artist Sports basylymyna bergen suhbatynda.
