Kezinde SRÝ qyzmetkeri bolǵan Normand Hodjes aýrýhanada jatyp, óziniń ómirindegi eń tań qalarlyq oqıǵany aıtyp berdi. Óziniń 78 jasta ekendigine qaramastan bolǵan oqıǵa búge-shúgesine deıin esinde qalǵan, dep jazady Qamshy.kz aqparat agenttigi sheteldik BAQ-qa silteme jasap.

41 jyly bul adam SRÝ qyzmetkeri bolǵan jáne de qaýipsizdik qyzmetiniń eń myqty da bedeldi qyzmetkeri bolǵan. Normandtyń aıtýynsha, ol tapsyryspen adam óltiretin bolǵan, onyń negizgi mindeti – óz eline qaýip tóndiretin adamdardyń kózin qurtý edi. Olardyń kópshiligi – túrli saıasatkerler, BAQ ókilderi, belsendiler men ǵalymdar boldy. Belgili bolǵandaı, Normand 37 adamdy tapsyrys arqyly óltirgen. Osylardyń ishinde ol tek bir qylmysy jaıynda ǵana eske alady.

Ol – áıgili Merlın Monro edi. Onyń kózin qurtýdaǵy basty sebep – Merlın Monro AQSH eline qaýip tóndiretin tulǵa edi. Sonymen qatar, Merlın Monro Kennedıdiń ashynasy bola júrip, Fıdel Kastromen de kóńil jarastyrǵan. Dál osy fakti aktrısanyń kózin qurtýǵa sebep boldy.

«Djımmı Heıvort esimdi komandır bul ólimdi ózine ózi qol salǵan sekildi etip uıymdastyrý kerektigin aıtty. Men eshqashan da áıel adamdardy óltirip kórmegen edim, biraq óz elim úshin mundaı qadamǵa barýǵa májbúr boldym. Monro, shyn mánisinde, ózge eldiń adamyna bizdiń elimizdiń strategıalyq josparyn op-ońaı aıtyp bere salatyn edi, al biz buǵan jol bermeýimiz qajet boldy», - deıdi Normand Hodjes.

Merlın Monro 1962 jyldyń 5 tamyzynda kóz jumdy. Hodjestiń aıtýynsha, ol aktrısa uıyqtap jatqan kezinde onyń páterine kirip, Monroǵa sedatıvti preparattyń úlken dozasyn ýkolmen salǵan, nátıjesinde aktrısa kóz jumǵan eken.

Normandtyń bul málimdemesinen keıin FBR tergeý jumystaryn bastap, Normand Hodjestiń ózin qamaýǵa alypty. Alaıda bul qylmysty biletin jalǵyz kýáger Djeıms Heıvort 2011 jyly kóz jumǵan, sondyqtan da bul iske qatysty tergeý jumystary tym baıaý júrýde.